Was Dingdong Dantes correct with his prediction about Paulo Avelino?

Sa press conference para sa pelikula nilang The Unmarried Wife, ipinahayag nina Dingdong Dantes at Paulo Avelino ang paghanga nila para sa talento ng isa't isa. Naunang nagsabi ng paghanga si Paulo para sa mas senior sa showbiz sa kanyang si Dingdong. Ani Paulo, hindi lang sa pagiging aktor niya hinahangaan si Dingdong kundi pati na rin sa pagiging mahusay na halimbawa nito sa lipunan mismo bilang mamamayan. Si Dingdong naman, may ibinunyag tungkol sa kanyang pagiging host noon ng sinalihan ni Paulo na Starstruck Season 4. Sa reality talent show na ito ng GMA-7 nung 2006 sinimulan ni Paulo ang kanyang showbiz career bilang isa sa mga contestants. Hindi pinalad na nagwagi si Paulo. Ang itinanghal na male winner na may titulong Ultimate Hunk ay si Aljur Abrenica, habang sa babae naman ay si Jewel Mische bilang Ultimate Sweetheart. Ayon kay Dingdong, may "side bets" silang mga host noon sa Starstruck. Kasama ni Dingdong bilang hosts sa show sina Jolina Magdangal at Raymond Gutierrez. Kuwento pa ni Dingdong, bet niya noon si Paulo, at prediksyon pa niya noon: "Isa si Paulo sa mga na-predict ko na... That will really be a significant actor of this generation, and true enough, di ba? Nangyayari nga. "So proud na proud ako sa kanya," patuloy pa ni Dingdong habang nagre-react naman ang leading lady nila noon ni Paulo na si Angelica Panganiban. Nagpasalamat naman si Paulo sa sinabi ni Dingdong at speechless daw siya sa sinabing iyon ng aktor na hinahangaan niya. #pauloavelino #dingdongdantes #bestactor #mmff2020 Video: Rachelle Siazon Edit: Michaela Emelo Know the latest in showbiz on http://www.pep.ph! Subscribe to our YouTube channel!    / pepmediabox   Follow us! Instagram:   / pepalerts   Facebook:   / pepalerts   Twitter:   / pepalerts   Visit our DailyMotion channel! https://www.dailymotion.com/PEPalerts Join us on Viber: https://bit.ly/PEPonViber Watch us on Kumu: pep.ph