UFUNGUZI WA SOKO - CHUINI HII NDIYO KAULI YA RAIS DKT, MWINYI ZANZIBAR 2025

Rais wa Zanzibar na Mwenyekiti wa Baraza la Mapinduzi Dkt, Hussein Ali Mwinyi amelifungua soko la Kisasa la Chuini na Kituo cha Mabasi na kuagiza Kampuni zinazokabidhiwa Masoko kuyaendesha kuwa na Uwezo wa kuimarisha Usafi wa Mazingira. Rais Dkt, Mwinyi ameyasema hayo alipolifungua soko la Chuini ,Wilaya ya Magharibi B, Mkoa wa Mjini Magharibi. Dkt, Mwinyi amepongeza Kazi nzuri iliofanywa na Mkandarasi na Wasimamizi wa Ujenzi wa soko hilo la Kisasa. Rais Dkt Mwinyi ametoa Maagizo saba kwa Wasimamizi na Mamlaka zinazosimamia Masoko ili kuhakikisha Masoko yanabaki katika Haiba na Mazingira bora. Miongoni mwa Maagizo hayo ni pamoja na kuimarishwa kwa Usafi ndani na nje ya Masoko. Wafanyabishara kutofanya biashara nje ya soko na pembezoni mwa Barabara. Kutozwa kodi ndogo kwa Wafanyabishara ili waweze kuzimudu. Ameagiza kuwepo na Utaratibu wa kuyafanyia Ukarabati ili yabaki katika hali nzuri wakati wote pamoja na Wafanyabiashara kuingizwa kwa haraka ili biashara iweze kuchangamka katika muda mfupi. Aidha ameagiza Kituo cha gari za Abiria kiliopo katika eneo hilo kuanza kazi mara moja kutoa fursa kwa Wananchi kuzifikia huduma za soko kwa Urahisi pamoja na barabara inayozunguka soko la Chuini kutengenezwa kwa kiwango cha lami katika muda mfupi ujao. Rais Dkt, Mwnyi amezisisitiza Taasisi za kifedha zinazotoa Mikopo kutoa mikopo kwa Wajasiriamali ili waweze kufikia dhamira ya kuepukana na Umasikini.