Vrasja në Bathore, arrestohen shkaktarët (17 Prill 2004)

Lajme Arkiva 2004 Sherrin ndërmjet familjeve Buci e Gjeta në Bathore e kishin filluar pleqtë, por konflikti ka përfunduar mbrëmë me dy djem të vrarë e dy të arrestuar për vrasje. Dy familjet kanë shtëpitë dhe dyqanet fare afër njëri-tjetrit dhe grindja ka filluar për shfrytëzimin e kësaj hapësire mes dy godinave. Policia kishte shoqëruar disa herë meshkujt e dy familjeve në komisariat pasi grindjet e tyre kishin shkaktuar panik në qendër të Bathores. Të rinjtë e familjeve kanë bërë më parë deklarata me shkrim se do të bien dakord me njëri-tjetrin e do të zgjidhin problemin. Njëri nga të arrestuarti për vrasje është emigrant në Angli ku dhe banonte me familjen. Vëllezërve Gjeta 40 ditë më parë u kishte vdekur babai. Për këtë njëri nga vëllezërit ishte kthyer për të kujtuar të ndjerin e këtu është rihapur konflikti i vjetër. Pas një sherri të gjatë P. e K. Gj. në bashkëpunim dhe me një person tjetër tashmë i shpallur në kërkim kanë sulmuar me thikë F. e D. B. Nga plagët kanë mbetur të vdekur dy vëllezërit dhe është plagosur lehtë dhëndri i tyre K. Ç. Policia ka arrestuar menjëherë Petrit e Kujtim gjetën. Sot në familjen Buci të afërmit kanë nderuar vitkimat, ndërsa përballë në pronat e Gjetajve janë mbyllur gratë e fëmijët e në oborr për çdo rast rreziku patrullojnë 3 policë. Në Bathore të njohur të familjeve nga Kukësi e Dibra të thonë se dy fiset janë në gjak e u mbetet vëllezërve të viktimave të vendosin pas varrimit nëse do të marrin hak apo do t’ia lënë drejtësisë të ndëshkojë vrasësit. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/