"ULIMI UMEBEBA MENGI" ALIYEACHIWA KESI YA UHAINI NJOMBE ASHINDWA KUENDELEA KUZUNGUMZA,TISA WAACHIWA

Kutoka Mahakama ya Wilaya ya Njombe,leo Nov 26 ndugu na marafiki wamejitokeza kwa ajili ya kufuatilia hatma ya ndugu zao waliokuwa wanakabiliwa na kesi za Uhaini baada ya vuguvugu la siku ya uchaguzi mkuu wa Oktoba 29, 2025. Hali ya furaha imetawala katika Mahakama baada ya watuhumiwa wanne (4) kati ya tisa wa kesi za Uhaini mkoani humo kuachiwa huru baada ya Mkurugenzi wa Mashtaka Nchini (DPP) kuieleza Mahakama kwamba hana nia ya kuendelea na mashtaka dhidi ya watu hao. Miongoni mwa walioachiwa katika Mahakama ya hakimu mkazi Njombe ni pamoja na Stanley Mbembati ambaye ni katibu wa Chama cha ACT-Wazalendo mkoa wa Njombe ambapo ameongea na Ayo TV akieleza furaha yake baada ya kuwa huru. "Tunawashukuru watanzania kwa kuwa pamoja na sisi toka tulipokamatwa,niseme sisi hatuna cha kuwalipa cha kufanya sisi ni kwenda kufanya kazi kwa juhudi ili tuweze kusaidia familia zetu"amesema Mbembati