4 მონაწილე და 4 ოქროს მედალი, - ევროპის ჩემპიონები სამშობლოში დაბრუნდნენ

🇬🇪 4 მონაწილე და 4 ოქროს მედალი, - ევროპის ჩემპიონები სამშობლოში დაბრუნდნენ; 🛬 ქართველ კუდოიატებს თბილისის საერთაშორისო აეროპორტში საქართველოს კუდოს ფედერაციის ვიცე-პრეზიდენტი ალექსი ფილფანი, ფედერაციის წარმომადგენლები, ოჯახის წევრები და გულშემატკივრები დახვდნენ; 🏆 ბულგარეთის ქალაქ ბურგასში გამართულ ევროპირველობაზე საქართველოს პირველი მედალი მარიამ ნანავამ მოუტანა (-220). მარიამმა ფინალში იტალიელი ილარია აგრესტა დაამარცხა და ევროპის ჩემპიონობა ზედიზედ მეორედ იზეიმა. შეგახსენებთ, მარიამი საქართველოდან პირველი ევროპის ჩემპიონია ქალთა შორის; 🥇ზედიზედ მესამედ გახდა ევროპის ჩემპიონი ლევან დარასელია (-230), რაც ქართული კუდოს ისტორიაში პირველი შემთხვევაა; 🥇18 წლის გიორგი ჟვანიამ (– 240) ფინალში ბულგარელი რუსი ჰაძიევი დაამარცხა და უფროსებს შორის ევროპის ჩემპიონობა პირველად იზეიმა; 🥇გიორგი ლომსაძემ (+270) სადებიუტო ევროპის ჩემპიონატზე პირველობა არავის დაუთმო. ქართველმა ფინალში ბულგარელი ატანას ატანასოვი დაამარცხა და საქართველოს დელეგაციას ევროპირველობაზე მეოთხე ოქროს მედალი მოუტანა; 🥋 საქართველოს ნაკრების მთავარი მწვრთნელია დავით ყოლბაია, მწვრთნელი მამუკა შონია; ✅ ქართველმა კუდოისტებმა ევროპის ჩემპიონატზე საქართველოს კუდოს ფედერაციის პრეზიდენტის, ბატონი დავით ხახუტაშვილის სრული ფინანსური მხარდაჭერით იასპარეზეს