قصايد سمرة دان الحفة بصوت المبدع ابو قصي باعباد

#اكسبلور #حضرمي #culture #لايك #ارقص #musicgenre #explore #متابعه #singer#songs #songshorts #art فقرة الحفة الفنانيين: علي بن زغيو و ابو قصي باعباد حسن مصبح السهر هان من شان ناصر الشيانه بها تكبر الزينه يانجم زاهر ضهر بين طريقي مساري ليل وظلام بلكديش اللقاء بيننا جبر خاطر والوفي مايهمه سهر عينه وانته معاك الخبر من شاف طيف المحب بليل مانام حسن مصبح كم حرقناك ياعود فاخر ع جرى شم نفحتك وبنينه واللي يحرق العشر قصده يغطي على امراض وزكام ابو سليم قدركم فوق خدي وناظر شوفكم في عيوني سواعينه قلبي وحالي ستر لما قبلتوا رفعنا صيت واعلام حسن مصبح نا وطيفك منجد وحادر ع بريدك ومركز عناوينه ياليل قل للقمر الموح لصبح شله زام بالزام محمد الشعيبي العواطف حيت والمشاعر يوم تم اللقاء بيني وبينه القلب راض استقر واللي نعزه لقي له قدر ومقام *********************-************** فصل جديد للصوت كلمات بلكديش ذا خرج فصل من شان كلمه يالمقدم قصدناك يالوافي وسلام ع الغيل عم وسلام عاطر على الحلان والدار بلكديش اللقاء بالمحبين نعمه والسلاطين لي حبلهم ضافي اهل العطاء والكرم لي يستحقوا مع المشوار مشوار حسن مصبح فرق الريش بامرك ولمه يالمقدم وربعي وايلافي الجيش كله لتم حولك ولاقد حزمت الشد سنيار بلكديش نامعك في مسار المهمه مانعول ولو بادحق حافي ان قلت تم قول تم وعلى الامانه معك في ليل ونهار حسن مصبح من لحق حبل رابخ يزمه لي على الزام سهران والغافي ومن بغاها نسم باحاسبه ع الخطا لي من قداه سار ابو سليم كل شي فالميازين تمه من رضا ورغب خاطره الصافي من وقت سابق قدم يتذكروا بوعلي من خير الاخيار محمد الشعيبي يالوفي رايتك راس قمه رفرفت ع مداييني وريافي فالشعب صوتك نهم تغلب على هامتك وديان وصبار يوسف العليي يالمغني هوى الروح نغمه في تقاسيم واللحن والقافي حركت فالقلب دم وسريت داخل صميمه دار مادار حسن مصبح رهن كفك خناجر وقلمه وان دعاك البنا هاك اكتافي المنفرد ينهزم والجمع لا قد دكى ع الحيد ينهار بلكديش نسنست ع المقاطين نسمه سرت النوم و برودها كافي وتوشحت بالنسم وتفتحت منها فالروض الازهار حسن مصبح القمر طاب والجو قمه والنغم لين الخاطر الجافي ياحي هو من نغم كامل مكمل بلا ايقاع واوتار ابو سليم قل بي السمع والاذن صمه ريت عدني سمع والنظر كافي واليوم ياهل الحكم ما ع فند فالقعيده كم سمار بلكديش مت وحييت من بعد بسمه اثرت ع جوانحي وشغافي انعاد حد مافهم ينظر الى خاطري ويشوف الاثار بلكديش فقت وصحيت ورسمت رسمه لا مداها ولا لونها خافي تربط حمم في حمم ومحيطه بالقمم وغيول وبحار يوسف العليي المشاطين تحتاج همه والليالي بغت شخص متعافي تزقل على الهم هم الله يصيب الليالي ثقلها جار حسن مصبح كنت رايق وعايش فنعمه ويش خلى سراجك مساء طافي ف المكان العتم ترمح وتنطح براسك ركن وجدار محمد الشعيبي يازمن لم لي باتلمه لاتغير علي سلو اسلافي في خاطري كم وكم كلمات لقت اثر في صم الاحجار يوسف العليي لاتحطون فلحبل زمه بيننا ياعرب لاصفى الصافي فقري وعندي قيم لكنني حيت ما وجهت دولار ابو سليم ايش مع اهل سونه وحكمه عادهم ناس في شعب المرافي ع يسكنون الخيم وبعض ياصاحبي عامد في الغار بلكديش ياقسم والسواري وفغمه اكدن كلمتي لانفى النافي نافرشت شوك السلم ودحقت ع الشخر من شرمه الى الكار حسن مصبح نحر مافيه كربه وقصمه يوم خوصه من الخيل تتلافي لما هبط وانحرم يبست جريده وخوصه دار مادار ابو سليم يوم للحرف كسره وضمه ليش تكسره وهدفك اهدافي لاسمعت راعد نهم حول على سومها في ليل ونهار محمد الشعيبي الصبر عفت ريحه وطعمه وصبيب البغيه دواء شافي ياوافيين الذمم وش بيرجع منامي ذاك لي طار بلكديش قول ياربنا اكرم بكرمه لي تجي حسب رغبتي ومشافي وابعد جميع الظلم واهل الدسايس وكل خاين ومكار حسن مصبح ماتهز الشبك كل هجمه لايخوفك نيمار وتشافي اذا الدفاع التزم ماباتصل لشبك شوتات نيمار أبو سليم يامسجل ضبط كل نهمه عيب ماحد يعكر هواء صافي نحن رفعنا علم ظاهر على الخط كل من ينظره سار يوسف العليي شوف صاحبك مدحه وذمه في سبيل الوفاء غير متكافي وبليس مايفتهم غيّر طريقه من الجنه الى النار حسن مصبح بيننا طبع وخلاف بصمه انما في قناعتي واعرافي مع ميسمك تنسجم في خد راسي وعمق الحمر الابكار يوسف العليي الهوى فن والعهد ذمه والكياله تبا جهد وتوافي نامشاعري فالكلم وانته بغيتك تقع بمشاعرك بار محمد الشعيبي شوق والهم ع القلب زحمه ريتهم دوروا عالم اخلافي لكنني باحتكم ع المقدر وشرب الحلو والقار بلكديش ف السمر كل حد شل قسمه عند ناصر معه شوط ايضافي وبدا السمر وانختم بصلاتنا ع محمد نور الانوار