Top Channel/Alarm i kuq për vapën ekstreme, mbyllen qindra shkolla në...

Franca ka vendosur rreth gjysmën e territorit të saj, përfshirë Parisin, nën alarm të kuq për valë të nxehti, ndërsa temperaturat pritet të arrijnë nivele rekord. Si masë parandaluese, autoritetet kanë ndaluar konsumin e alkoolit në vendet publike gjatë Festivalit Kombëtar të Muzikës, një nga ngjarjet më të mëdha kulturore në vend. Sipas qeverisë franceze, kufizimi i alkoolit synon të ulë presionin mbi shërbimet e urgjencës dhe sistemin shëndetësor, duke i lejuar ato të përqendrohen tek personat më të rrezikuar nga temperaturat e larta. Temperaturat arritën deri në 40 gradë Celsius në qytetin jugperëndimor të Bordeaux, ndërsa meteorologët paralajmërojnë se kulmi i valës së të nxehtit do të regjistrohet të hënën. Dyzet e nëntë rajone franceze janë vendosur nën alarm të kuq, ndërsa pjesa tjetër e vendit mbetet kryesisht nën alarm portokalli. Për shkak të kushteve ekstreme atmosferike, rreth 850 shkolla do të qëndrojnë të mbyllura, ndërsa 1,500 të tjera do të reduktojnë orarin e mësimit duke lejuar largimin e hershëm të nxënësve. Vala e të nxehtit ka shkaktuar gjithashtu ndërprerje në disa shërbime publike dhe anulimin e dhjetëra linjave hekurudhore. Sipas shërbimit meteorologjik francez, Météo-France, masat e nxehta ajrore që vijnë nga shkretëtira e Saharasë kanë bllokuar ajrin e nxehtë mbi Evropën Perëndimore dhe Qendrore, duke përkeqësuar kushtet klimatike në rajon. Ekspertët paralajmërojnë se ende nuk dihet sa do të zgjasë kjo valë e të nxehtit, e cila mund të prekë deri në tre të katërtat e popullsisë franceze. Për të ndihmuar qytetarët dhe turistët të përballojnë temperaturat e larta, autoritetet në Paris kanë vendosur të mbajnë të hapura gjatë natës parqet dhe kopshtet publike. Ndërkohë, temperaturat ekstreme po godasin edhe vende të tjera evropiane. Italia ka shpallur alarm të kuq në tetë qytete të mëdha, ndërsa Spanja ka lëshuar paralajmërime të ngjashme për disa rajone ku temperaturat pritet të arrijnë deri në 40 gradë Celsius. Pamje: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #France#Alarm#TopChannelNews