The Books Reading Club : ગઝલનું સ્વરૂપ અને છંદ (Part# 1), વક્તા : કવિ શ્રી ડૉ. સ્નેહલ જોષી

■ કવિ શ્રી ડૉ. સ્નેહલ જોષી ખૂબ જાણીતા કવિ. આશરે 30 વર્ષથી કવિતા - ગઝલ, ગીત સૉનેટ, ખંડ કાવ્ય જેવાં પ્રકારોનું સર્જન. 'સૂર્યનો સંદર્ભ' નામે ગઝલસંગ્રહ 2010માં પ્રકાશિત. ' વમળ વચ્ચે' નામનો બીજો કાવ્યસંગ્રહ 2023માં પ્રકાશિત થયો. સંસ્કૃત વિષયમાં M.A. Gold Medallist. (ભાવનગર યુનિવર્સિટી, ભાવનગર) સંસ્કૃત ભાષામાં લખાતી ગઝલો પર Ph.D. કર્યું, જેનાં ગુર્જર પ્રકાશન દ્વારા પ્રકાશિત પુસ્તકને અકાદમીનું પ્રથમ પારિતોષિક મળ્યું. ભારતમાં આ પ્રથમ સંશોધન થયાનો યશ તેઓને મળ્યો. Ph.D.ના ગાઈડ તરીકે ( ભક્ત કવિ નરસિંહ મહેતા યુનિવર્સિટીની ગાઈડશીપ ) 4 વિદ્યાર્થીઓ તેઓનાં માર્ગદર્શનમાં Ph.D. કરી રહ્યાં છે. આકાશવાણી અને દૂરદર્શન પર તેઓના અનેક કાર્યક્રમો પ્રસારિત થયા છે. કવિતાના ખૂબ સારા આસ્વાદક છે, કવિતાના આસ્વાદની તેઓની કોલમ 'સમય મિરર' અખબારની સપ્તરંગ પૂર્તિમાં ચાલે છે. કાવ્યલેખન તાલીમના 44 જેટલા વર્કશોપ તેઓએ તજજ્ઞ તરીકે ગુજરાતના વિવિધ સ્થળોએ કર્યા છે. અનેક કવિ સંમેલનો - મુશાયરામાં ઉપસ્થિત રહી કાવ્યપાઠ અને સંચાલનો કર્યાં છે. પૂજ્ય મોરારીબાપુ પ્રેરિત અસ્મિતાપર્વમાં કાવ્યપાઠ અને વક્તવ્યોની પ્રસ્તુતિ. પૂજ્ય મોરારીબાપુની પ્રીતિપાત્ર બનેલું 'કામદેવ' પરનું વક્તવ્ય તેઓની વિશેષ ઉપલબ્ધિ છે. પૂજ્ય ભાઈશ્રી રમેશભાઈ ઓઝા દ્વારા પ્રેરિત સંસ્કૃતિ ચિંતન કાર્યક્રમમાં કાવ્યપાઠ અને વક્તવ્યોની પ્રસ્તુતિ. પૂજ્ય ભાઈશ્રી રમેશભાઈ ઓઝાની પ્રીતિપાત્ર બનેલું 'કૃષ્ણ-સુદામાની જોડી' પરનું વક્તવ્ય તેઓની વિશેષ ઉપલબ્ધિ છે. એક વક્તા તરીકે સાહિત્યના અને પ્રેરણાત્મક વક્તવ્યો ( Motivational speech )ની અનેક પ્રસ્તુતિ. સંસ્કૃત વિષયના અધ્યાપક તરીકે ગુજરાતી સાહિત્ય સાથે સંસ્કૃત સાહિત્યનો ગહન અભ્યાસ. પોરબંદરની માધવાણી કૉલેજમાં અધ્યાપક તરીકે કાર્યરત.