حسرة خادم | الرادود سيد حسين المالكي | موكب عزاء سند ليلة 14 محرم ١٤٤٨هـ

الرادود السيد حسين المالكي ١٤ محرم انتهت مثل الحلم بعيوني هالليالي وين اروح بلا حسين ماعنده غيره غالي ~ دنيا وحشة وين أروح تعودت عيني تنوح احلى عِشرة ويا الجروح متحيرة المشاعر ~ انا حبك اعتقادي انا يستمر حدادي ولا ينّزع سوادي طول الدهر محرم ~ راحة التعب عمري انكتب من صغري وانا خادم اجمل حزن اكبر حضن في عمري المآتم @@@ كنّا نعيش بعالمك و خلصت ليالي محرمك تمنينا طال و نخدمك في موكبك في ماتمك ~ بعده الراس فوق الرمح و زينب تون حيرانة و صوت يصيح طول الدرب يا عمتي تعبانة ~ بعده الحزن بعده الحداد ما نقدر نشيل السواد و بعده الصهيل من الجواد و ينادي بالظليمة نشعر في كل لطمة صدر نار الخيام ال تستعر بعده الشمر فوق الصدر و الفاجعة الأليمة ~ شهر حسين عشنا بلياليه و بخدمته التقينا عشرة وياه صعبة نخليه لا مو سهل علينا ~ موحشة دروب العزا جنها علينا تعاتب لا تخلوا كربلا و لا تتركوا المواكب @@@ نعمة عظيمة من السما ننسى التعب من نخدمه عدنا الأهم يوم الحشر ترضى علينا فاطمة ~ ربي إليك ادعي انا اكتبني خادم كل سنة ~ ما ادري اشلون اشكرك يا ربي اعلى الخدمة الخدمة في حب الحسين يا ربي اعظم نعمة ~ يا حسين الخدمة لجلك تسمر طول العمر بقبري لو جاني محرم بلطم عليك الصدر ~ الفرقة مرة و الله حسرة ما شبعنا من اللطم احلى عَشرة أحلى عِشرة من حزنها ننحرم @@@ نبض القلب يظل حسيني حزن و سواد و هذا ديني و حسين يظل نبع يقيني اسم انكتب على جبيني ~ احنا وياك نهواك و نهواك نحيي عاشورك لحد اخر نفس بينا مها صار ما لحظة نحتار ما نخلي دمعتك يل ما تخلينا ~ ما ينّسى النحر دامي على الرماح ما تنسى الخيم محروقة مسلوبة هذا الحزن حفر في قلب جراح و الخدمة للحسين علينا مكتوبة ____تمت_____ 🖊️عاطف المالكي 🏴 محرم ١٤٤٨ هـ الموافق ٢٠٢٦م