Historia salminejo en Wieliczka – Magdalena Tatara

WIELICZKA estas malgranda urbo situanta ĉirkaŭ 15 kilometrojn sudoriente de Krakovo, kie meze de la 13-a jarcento oni malkovris salvejnon. Salo estis tie elfosita dum pli ol 700 jaroj. La Salminejo Wieliczka estas la plej malnova minejo en Pollando kaj unu el plej malnovaj en Eŭropo. Ekde 1996 oni ne plu ekspluatas salon. Ekde la jaro 1978 ĝi troviĝas sur la listo de kultura kaj natura heredaĵo de UNESCO. Dum la prelego vi ekkonos historion de la salminejo kaj rigardos fotojn el la turista vojo. Retpaĝaro de la minejo: https://www.kopalnia.pl/