Жаш балдарга карата каада салттар

Таберик подкастынын 6- чыгарылышы. Бул чыгарылыш мурункулардан айырмасы бар, өзгөчөлөнүп турат. Буга чейин көптөгөн улуу курактагы адамдар менен жолугуп, ата- бабаларыбыздан калган салт-санааларды сурап, көп маалымат жыйнаганга жетиштим. Ар бир маектешим, уникалдуу жана кайталангыс ошондой эле баалуу маалымат менен бөлүшүп жатты. Мына ошолордун негизинде “Жаш балдарга байланыштуу каада-салттарды” чогултууга да жетиштим. Бала төрөлгөндөн баштап, ал жетилип, үйлөнүп ал өзүнчө түндүк көтөргөнгө чейин кандай жөрөлгөлөр бар экенин айтып берем. Өзүмдүн жашоодогу практикама ылайык, кээ бирөөсүн колдонсок, кээ бирөөлөрүн таптакыр эле билбептирмин. Буларды айтып бере турган адамдар дагы өтө аз экен, муну иш жүзүндө көрүп отурам. Ушундан улам, улуу муундардан сурап, билип калбасак, кийинки муун таптакыр эле салт-санаанын түпкү маанисин билбей калабызбы?