台灣新北理容院虐殺案【世界詭奇異聞錄 EP20】

台灣新北理容院虐殺案 就一句「智障! 快D去投胎」，結果自己先去報到了... 2013年10月26號，台灣新北市新莊區八德街，發生一單極度兇殘、手段變態的密室殺人案。當日朝早九點幾，負責分舖畀一間名叫「柔雅理容工作室」嘅鞋店二房東，發現件事極唔對路。 平時一早開舖、日日都好旺嘅理容店，當日成日黑晒燈、大門深鎖，完全唔似有開過門。房東覺得古古怪怪，去到近十點嘅時候，行去兩間舖共用嘅後廚房洗野，經過理容店後面嘅按摩房，發覺房門由內反鎖。佢撩開門簽望入去，眼前一幕即刻嚇到佢腳軟。 只見41歲嘅女老闆于瑞琴，成個人瞓喺血泊入面，身體僵硬，已經斷氣多時。佢當日著住紫色低胸衫、黑色短裙同黑絲襪，成塊頭被大毛巾包住，死狀極之淒涼恐怖。房東驚到唔敢停留，即刻報警求助。 警方同鑑證人員火速到場封鎖現場，拉開塊毛巾、剪開死者長髮之後，在場所有人個個倒吸一口涼氣，畫面極度血腥。法醫初步驗屍發現，死者全身傷口密密麻麻，兇手殺意極盡兇狠：後腦畀尖頭鐵鎚鑿出廿四個窿，條頸有好深嘅勒痕，身體仲有好多刀傷，每一刀都深到見骨。 經過專業鑑證，確認真正致命傷係後腦連續俾鐵鎚重擊，至於條頸嘅勒痕同身上刀傷，都係兇手事後補手，確保死者一定死絕、冇得生還。最詭異嘅係，成個現場係完美密室，店門從內反鎖，室內窗式冷氣機被人拆鬆移動，舖頭亂晒，電腦、銀包、手機全部不翼而飛，初步睇落完全似係賊人入屋打劫、失手殺人滅口。 但係兇手嘅消失方式極之離奇，密室完全冇出入口痕跡，成個人好似人間蒸發一樣，令到呢單兇案更加撲朔迷離... 詭奇異聞章節: 00:00 前言 02:23 離奇密室殺人兇案 05:22 戲劇性拘捕 11:59 過江美人 特殊服務 15:42 輕度智障 極度自卑 17:53 一句智障 殺意爆發 22:18 司法審訊 最終判刑