NEE DASYAMOKKATE NILICHI NAMMAGALADI

#NEEDASYAMOKKATE_NILICHI_NAMMAGALADI ANNAMAYYA AKSHARA VEDAM EPISODE -37 గానము స్వరకర్త ---- శ్రీ వేదవ్యాస #ఆనందభట్టార్ గారు అన్నమయ్య అక్షర వేదం .. సంపుటి -- 37 ( #నీదాస్యమొక్కటే_న్లిలిచినమ్మగలది* .... ) 🙏 *ఓం నమో వేంకటేశాయ*.🙏 అందరికీ శుభ శనివారము --- మీ వేణుగోపాల్ అన్నమయ్య అక్షర వేదం ..సంపుటి -- 37 కి శుభ స్వాగతం ..✍️ *మీ వేణుగోపాల్*.. లావొక్కింతయు లేదు; ధైర్యము విలోలంబయ్యె; బ్రాణంబులున్ ఠావుల్దప్పెను; మూర్ఛ వచ్ఛెఁ; దనువున్ డస్సెన్; శ్రమంబయ్యెడిన్; నీవేతప్ప నితఃపరం బెఱుఁగ; మన్నింపందగున్ దీనునిన్; రావే! యీశ్వర! కావవే వరద! సంరక్షింపు భద్రాత్మకా! ----- బమ్మెర పోతన *భావము*:- దేవా! నాలో శక్తి కొంచం కూడ లేదు. ధైర్యం సడలి పోయింది. ప్రాణాలు కూడ కదలిపోతున్నాయి. మూర్చ వచ్చేస్తూ ఉంది. శరీరం స్రుక్కిపోయింది. బాగా అలసటగా ఉంది. నాకు నీవు తప్ప వేరే ఇతరు లెవ్వరు నాకు తెలియదు. నీవే దిక్కు. ఆర్తితో ఉన్న నన్ను ఆదుకోవయ్య. ఓ స్వామీ! రావయ్యా! కరుణించు, వరాలిచ్చే ప్రభూ! కాపాడు, పుణ్యాత్ముడా! అని ఆర్తితో గజేంద్రుని చేత పలికించారు పోతన. సంపూర్ణ శరణాగతికి నారాయణుడు ఎలా చలించిపోయి రక్షిస్తాడో మన అందరికీ అ తరువాత కనులకు కట్టినట్టుగా వర్ణించారు . మన జీవితాలకు ఏది నమ్మిక ?? ఏది రక్ష ?? మనము పవిత్రముగా చేస్తున్నామని అనుకునే నిత్య అనుష్టానాలా ?? ఉత్తమ జన్మ అని భ్రమించే ఈ మానవ జన్మనా..?? మనము జీవితాంతము వరకు నేర్చుకున్న సకల శాస్త్ర పాండిత్యమా ?? మనలోనే ఉండి మనల్ని ఆడిస్తున్న మన మనస్సా ?? పుత్ర పౌత్రులా?? బంధువులా ?? ధన ,ధాన్య , భూ సంపదలా ?? అని ప్రశ్నించుకుంటే , ఇవేవి కావు అనేది అన్నమాచార్యుల వారి సమాధానం. శాశ్వతముగా నిలిచి నమ్మ గలిగేది ఒక్కటే ఒక్కటి.. అదియే భగవత్ దాస్యము ... శరణాగతి ... అదియే మనకి ఎల్లవేళలా రక్ష అని చక్కగా వర్ణించారు అన్నమయ్య ఈ కీర్తనలో .🙏 మరి అటువంటి చక్కటి ప్రబోధాత్మక కీర్తన అర్ధము ఈ వారము తెలుసుకుని ప్రీతితో పాడుకుందాం ...తరిద్దాం.🙏🙏 🙏 ఓ నారాయణా !! ఈ ప్రపంచములో నాకు అక్కరకు వచ్ఛేది , నేను నమ్మగలిగేది ఏమన్నా ఉన్నది అంటే అది నీ దాస్యమే ..నీ శరణాగతి ఒక్కటే. 🙏 మిగతావి అన్నీ అశాశ్వతములే ..నాకు సంపూర్ణ రక్ష ఇవ్వజాలనివే .. ఇక మమ్ములను రాక్షించుట నీ భారము ...నీ చిత్తానికే వదిలిపెట్టుచున్నాము . నీ కరుణే మా భాగ్యము ఓ శ్రీ పతి అయిన శ్రీ వేంకటేశ్వరా .🙏🙏 🌺నిత్యానుష్టానములు చేసి ఈ దేహము పవిత్రమని , రక్షించునని , భ్రమలో ఉంటిని కానీ , ఈ దేహము మలమూత్రముల రాశిని కప్పి పెట్టుచున్న అచ్ఛాదనే కదా . ఇక శుచి ఎక్కడ? పవిత్రత ఎక్కడ ??🌺 🌺అన్ని జన్మలలో ఉత్తమ జన్మ అయిన మానవ జన్మ ఎత్తితిని , ఇదియే నాకు రక్ష అని అనుకుందామా అంటే , కర్మమనే కూపములో కూరుకు పోయినది ఈ జన్మ . పాప పుణ్యముల పర్యవసానములను అనుభవించవలసినదే కదా , తప్పించుకొనుట సాధ్యమా ??🌺 🌺ఇక , నే నేర్చిన సకల విద్యలూ , శాస్త్ర పాండిత్యములు అక్కరకు వచ్చునా అంటే , అవి జీవన భృతికి, సహ పండితులతో అధిక్యతకై పోరు సల్పుటకు తప్ప ఇక ఎందుకు పనికి వచ్చును ??🌺 🌺అందరి మదిలోనే ఉండే మనస్సుని నమ్ముదామా అంటే దాని అంత నిలకడ లేనిది , మరొకటి లేదు. అది మొదలే ఎప్పుడో ఇంద్రియ భోగములకు బానిస అయిపోయి అమ్ముడుపోయినది .దానిని నమ్మి ప్రయోజనము ఉన్నదా ??🌺 🌺పోనీ , పుత్రులను , భార్యను , బంధు మిత్రులనూ, ధన ధాన్య భూ సంపదలను నమ్మి గడిపేయగలమా అంటే , అవి అన్నియూ నా పాత్రత కొద్దీ ఋణాను బంధములుగా కలిగి తరిగి పోయేవే , అవి నన్ను కావునా ??🌺 🌺ఇవి ఏవి నాకు రక్షణగా ఉంటాయన్న నమ్మకము లేదు స్వామి .🌺 🌺నీవే చిత్రమైన మాయ చేసి , నాకు రక్షకుడిగా ఉండు తండ్రి.🙏🌺 🌺నేను సమర్పించుచున్న అత్యల్పమైన ఫల , పుష్ప, పత్ర , తోయములను , ప్రీతితో స్వీకరించి, నా భక్తిని శంకించక, అదియే నా సంపూర్ణ భక్తి గా భావించి , ఈ శరణాగతుడిని కావవయ్యా శ్రీ వేంకటేశ్వరా 🙏🙏🌺 తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ.. దోషములున్న...మన్నించమని విన్నపము... ( *అన్నమయ్య అక్షర వేదం --- సంపుటి 37*) -- ✍️ *మీ వేణుగోపాల్*🙏🙏 Om Namo Venkatesaya !! Serving Your Lotus feet Alone Is Trust Worthy Oh Lord Of Wealth Your Mercy On Me Is My Fortune Though I Perform Daily Rituals With Belief Of Getting Purified This Body Is The External Costume Of Heap Of Dung And Urine Will The Best Janma As Human Be My Rescue ?? No .. Not At All .. In Fact We Are Drowned In The Dark Pit Of Doing Karma Can I Be Confident By Studying Sciences And Gaining Wisdom?? No !! It Already Turned As A Slave To Worldly Desires Having Kith And Kin , Wealth , Prosperity And Lands Am I Secure Enough ?? They Are Insecure Debts, Finite In This Life's Dramatic Play Oh Lord Venkatesa !! You Alone Can Come To My Rescue Miraculously Consider My Humble Offering Of Flowers As A Wholesome Prayer And Save Me 🌺🌺 *సంకీర్తన*🌺🌺 నీ దాస్యమొక్కటే నిలిచి నమ్మఁగలది శ్రీదేవుఁడవు నీచిత్తము నాభాగ్యము ॥పల్లవి॥ అనుష్ఠానములు గతియని నమ్మి చేసితినా తనువిధి మలమూత్రములప్రోగు జనులలో నుత్తమపుజన్మమే నమ్మితినా వొనరఁ గర్మమనే వోఁదానఁ బడినది ॥నీదా॥ చదువుల శాస్త్రముల జాడలు నమ్మితినా పొదలిన మతముల పోరాట మది మదిమది నుండిన నామనసే నమ్మితినా అదియును నింద్రియాల కమ్ముడువోయినది ॥నీదా॥ పుత్రదారధనధాన్యభూములు నమ్మితినా పాత్రమగు రుణానుబంధము లవి చిత్రముగ నన్నుఁ గావు శ్రీవేంకటేశ నీవే పత్రపుష్పమాత్రమే నాభక్తియెల్లా నీకు