Ақтауда 19 жастағы сарбазды атып өлтірді деген күдікпен взвод командирі ұсталды

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Теңдессіз жобамызға көз салыңыз:    • Сөздің шыны керек: [журналистік зерттеулер]   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Бүгінгі шығарылымда: Ақтауда бетіне оқ тиген сарбаз қайтыс болды. Небәрі бес ай бұрын ғана теңіз жаяу әскеріне өз аяғымен барған Марат Барқұлов үйіне табытпен оралды. 19 жастағы жігітті оқу-жаттығу кезінде атып өлтірді деген күдікпен взвод командирі ұсталды. Қазір лейтенант қасақана кісі өлтіру бабымен тергеліп жатыр. Ал бауыр еті баласының мәйітін алып, қазадан қабырғасы қайысқан әке кінәлілер түгел жазалансын деп отыр. Толығырақ өңірдегі әріптесімнің бейнематериалында. МАХАББАТ НҰРЖАНҚЫЗЫ, тілші: – Марат Барқұлов Ақтаудағы 25/744 әскери бөліміне биыл көктемде Өскеменнен шақыртылған екен. 19 жастағы сарбаз Отан алдындағы борышын өтеуге өз еркімен кеткен еді дейді туыстары. Бірақ жақындарының әскерден күтіп алғанын қалаған жас жауынгердің өмірі тура бес айдан соң қиылды. Бұл, ант қабылдап, теңіз жаяу әскері қатарына қосылған Мұхтардың қатты қуанған сәті. Арманына жеткен жігіт жақындарына түрлі суреттер жіберіп, барлығы ойдағыдай өтіп жатқанын айтыпты. Алайда Ербол Кунтиновке екі күн бұрын қаралы хабар жетеді. Яғни, "Оймашы" полигонында жүрген баласына взвод командирі Макаров тапаншасынан оқ атқан дейді әкесі. Қайғыдан қан жұтқан азамат тәжірибесі мол әскери қызметкердің ұлын абайсызда алғанына сенбейді. ЕРБОЛ КУНТИНОВ, марқұм Марат Барқұловтың әкесі: – Қазір мұны оқыс оқиға деп айтып жатыр. Ал мен мұнымен келіспеймін. 5 жылдық білімі бар лейтенант қалай абайсызда атып алады? Кәсіби маман қаруды қолдану ережесін білмей ме? Оқ баламның сол жақ бетінің астынан кіріп, оң жақ желкесінен шыққан. Ербол Кунтинов ұлының ешкімге зияны жоқ, ортасымен тез тіл табысатын ашық болғанын айтады. 6 жыл бойы воллейболға қатысып, спортта да жақсы жетістікке жеткен екен. Сондықтан қайғылы оқиғаға қатысы бар тұлғалар түгел жазаланғанын қалайды. ЕРБОЛ КУНТИНОВ, марқұм Марат Барқұловтың әкесі: – Ұлым досы көп, өте ашық адам еді. Мектепте мұғалімдері оны мақтап жүретін. Отан қорғаймын деп кеткен жалғыз ұлымды табытпен алып кетіп бара жатқаныма қатты қынжыламын. Мен баламды қайтара алмаймын, бірақ басқа жас жігіттердің әскерде өлмеуі үшін әділдік үшін күресемін. Қасқана оқ атқан қызметкердің, басқа да жауаптылардың жазаланғанын қалаймын. Батыс өңірлік әскери тергеу басқармасы қасақана кісі өлтіру фактісі бойынша сотқа дейінгі тергеудің басталғанын мәлімдеді. Ал күдікті уақытша ұстау изоляторына қамалған. Сондай-ақ, құзырлы органдар бұл істің Бас әскери прокуратура мен Қорғаныс министрінің балауына алынғанын айтып отыр. РУСЛАН ЖАНГУЛИН, ҚР Қорғаныс министрлігінің ресми өкілі: Қайғылы жағдайдың мән-жайлары жан-жақты тексеріліп, тергеу органдарына обьективті тергеу жүргізу үшін толық көмек көрсетілу үстінде. Кінәлі тұлғалар Қазақстан Республикасы Қылмыстық Кодексіне сәйкес қатаң жауапкершілікке тартылады. Марат Барқұловтың денесін туыстары Өскеменге алып кетті. Жалғыз ұлдарынан қапыда айырылып, қайғыдан қан жұтқан отбасы соңына дейін барамыз деп отыр. 19 жастағы жігітті жақындары ертең ақтық сапарға шығарып салмақ. Айта кетейік, президент Қасым-Жомарт Тоқаев Қазақстан халқына жолдауында сарбаздардың денсаулығы мен қауіпсіздігіне, ең алдымен армия басшылығы жауапты екенін айтқан болатын. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp - https://whatsapp.com/channel/0029VaDm... TikTok - https://www.tiktok.com/@informburo31?... Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық