Көгерген нанды далаға тастаған наубайхананың әрекеті тұрғындардың ашуын туғызды

Атырауда көгерген нанды далаға тастаған наубайхананың әрекеті тұрғындардың ашуын туғызды. Таба нан мен тоқаш өнімдері шашылып, аяқтың астында қалған. Соның салдарынан шағын ауданда кеміргіштер қаптап, санитарлық ахуал ушықты дейді жұрт. Бұл көріністі тұрғындардың бірі түсіріп, дабыл қаққан. Олар наубайхана мерзімі өткен нан өнімдерін қапқа салып сыртқа шығарып тастайтынын айтады. Сондықтан бұл жағдайға санитар мамандар назар аударып, шара қолдануды талап етеді. Себебі, тағамның қалдықтарын далаға төгу, барып тұрған бассыздық деп ашынады. Ал, наубайхана иесі жарамсыз нан-тоқашты тұрғындар тегін алып кетеді дейді. Өнімді арнайы малға беретін адамдар үшін сұрыптап, сыртқа шығарып қойдық деп ақталды. Жауаптылар, тұрғындар тарапынан шағым түскен жағдайда ғана тексеріске шығамыз деп отыр. ВЕНЕРА МАКИШЕВА, наубайхана басшысы: Бұл райондардан келген нан. Айдың басында осылай жинайды бүкіл водитель. Сағыз, Мақат, Доссордан бүкіл ауылына апарамыз. Малға келіп алып кетеді. Біз оны олай жерге тастамаймыз. Өзімізге де жақсы емес. Шашып жинап кері екі жұмыс қылмаймыз. Бізде нан қалмайды. Бұл айына бір рет ауылдан келіп тұратын нан сол күні келіп үлкен кісілер алып кетеді. #Информбюро #31арна #БастыЖаңалықтар #Новости #31канал