Aurel Plasari: Rama ka hyrë në histori, por nuk është ngjarje historike

Përgjatë këtyre viteve ka patur një sërë “atentatesh” ndaj demokracisë në Shqipëri, kështu u shpreh nga studio e emisionit “A Show” studiuesi Aurel Plasari, teksa foli për krizën politike që ka mbërthyer vendin. Ai tha se opozita dogji mandatet pasi refuzoi këtë mazhorancë arrogante. Ai tha se janë deputetë të opozitës pasi kanë një elektorat që ua kanë dhënë votat, por kanë hequr dorë nga ushtrimi i detyrës në Parlament. Për zgjedhjet e 30 qershorit, Plasari tha se kryesherbëtori mund të shkojë drejt asaj aventure, që për Ramën s’ka rëndësi se si do përfundojë, por kjo do të thellojë konfliktin politik. Përsa i përket procesit të zgjedhjeve në Akademinë e Shkencave, Plasari tha se ka patur nevojë dhe ka ende për një reformim të thellë, ndërsa bëri apel që kjo çështje nuk duhet parë si diçka skajore, por duhet të relativizohet. 3 Qershor, 2019 Copyrighted by News24 Albania