أغنية : عسكر كفو - كلمات الشاعر : عوض نفاع

"عسكر كفو " إهداء من الشاعر : عوض نفاع الى النائب : عسكر عويد العنزي ____ عطوني الميكرفون وإتركوا نفسي بمشهاها أنا الليلة مزاجي مرتفع وهمومي ناسيها خذيني يا الظروف لـ أيسر الأحوال وأدفاها ما دام إن الفرايد سيّرت والله لـ أعشّيها تغنّي يا الحروف الأبجديّة في محيّاها أبي ترقص جميع المفردات براس راعيها على عسكر عويّد عسكر البقّان صغناها قصيدة وزنها فعله وفزعاته قوافيها رقيت أعلى المراقب لين شفت الليث يرقاها يسابق خطوته لو تشتكي له ما يراعيها رجل لا قال ( تم ) يتمّها وإن راغ ممشاها على كيفه يخلّيها تجيه وينفرد فيها أبو عبدالله كْبار المصايب عنده دْواها يطول النايفة لين يتعلّى عن مبانيها على لسانه ( من عيوني وتبشر ) لين وفّاها وميلات الزمان إن كان هو ذخرك .. يساويها يجي مثل المطر والغيث والهقوة إيتعدّاها وكل صعبة يفك حبالها ويرخي براغيها تحية تاصله لين يتبخّر طيب فحواها على فعله أناأدري تنحذف عقل بطواقيها إذا بصحرا المكارم حر ما مثله بصحراها وإذا الفزعة لها دربٍ عسر مرتاح يمشيها يحب خشوم شيبان الجماعة ويحشم لحاها وتجي كل الصعاب تحب خشمة يوم يثنيها عطاه الله مثل ما يعطي الناس لـ نواياها وكل الناس يغلونه وهو والله يغليها سهل مثل السلام إن مرّته زلّه يْتعدّاها ولكن لا تحدّته المشاكل ما يخلّيها يلوّح في عطاه وتشلع الـ كفو لـ رعاياها تقل إسمه غدا ( عسكر كفو ) والباقي يتليها صدوقٍ واضح ونفسه على الطولات رباها يزم حْمول ما هي له ولا له أي شغل فيها سما يا عزوة اللي ما لقى عزوة إيتعزواها شهادة حق ومن مثلي حرام إنه يخفّيها وفيت ولو بقى بالصدر شرهة حرف نرفاها لأن أصفى المشاعر تنكتب من شان قاريها وأنا شاعر وأقلّط من قصايد فكري أسماها وأبو عبدالله مجمّل ولكن قلت أثنّيها تمركى يا قصيدي والأمور اللي إتمنّاها على كيفك تجي واليوم حطّت في موانيها