Top News-Zbardhet grabitja e biznesmenit në Nikël/Në kërkim kreu i bandës arrestohet njëri prej tyre

Policia ka zbardhur grabitjen e biznesmenit Nazmi Çangu në Nikël të Fushë-Krujës. Bëhet me dije se është arrestuar një person dhe disa të tjerë janë shpallur në kërkim. Gjithashtu gjatë kontrollit në banesa janë zbuluar disa mjete të cilat i implikojnë ata drejtpërdrejt në grabitje. Saimir Kuçi është personi i parë i arrestuar në lidhje me grabitjen me dhunë të biznesmenit Nazmi Çangu në Nikël të Fushë-Krujës. Prokuroria ka lëshuar urdhër ndalime për disa persona të cilët janë të lidhur drejtpërdrejt me ngjarjen në fjalë. Njëri prej të shpallurve në kërkim është Artan Kurti (Lleshi), i cili njihet dhe me emrin Artan Prenga. Ky i fundit është kreu i grupit kriminal. Personat në fjalë janë me precedent të mëparshëm penalë për vjedhje, plagosje dhe trafik droge. Gjatë kontrollit të bërë në banesë u sekuestruan 14 telefona, pranga, armë të ftohta, lëndë narkotike, bllokues valësh, pajisje elektronike, detector për kërkim sendesh të çmuara, maskë dhe doreza, ora të markave të ndryshme, bizhuteri floriri dhe koleksion monedhash të shteteve të ndryshme. Të gjitha këto sende kanë ardhur si rrjedhojë e grabitjeve të kryera nga banda e Artan Prengës. Sipas burimeve, me vendim gjykate janë kontrolluar 7 banesa në Astir, Kombinat dhe Fushë Mëzes. Pritet që në orët në vijim të konfirmohen dhe të tjera arrestime, anëtarë të bandës së grabitësve. Ngjarja e rëndë ka ndodhur në mesnatën e 24 tetorit ku persona të maskuar hynë në banesën e Nazmi Çangut. Ata dhunuan e më pas grabitën biznesmenin. Në momentin e ngjarjes, në banesë ka qenë e gjithë familja e tij, ku në deklaratat në polici e media bënë me dije se ishin 10 grabitës. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Grabitje#Nikel#TopChannel