Skandal tek klubi Apolonia, futbollistët akuzohen për trukim ndeshjesh-(9 Shkurt 2010)

Lajme Arkiva 2010 Apolonia tronditet nga skandali i shitjes së ndeshjeve nga disa prej futbollistëve të ekipit. Klubi ka dorëzuar në prokurori kallëzim penal ndaj futbollistëve Albert Kaçi, Elton Grami, Erjon Hoti dhe Mariglen Shoshi për trukim të ndeshjeve në dëm të ekipit të futbollit Apolonia. Drejtori i Kontrollit të Brendshëm të Klubit, Andi Derhemim, është shprehur se shoqëria për këta lojtarë ka prova për të cilat janë çuar në prokurori. Andi Derhemi: “Sot shoqëria ka dorëzuar në prokurori kallëzimin penal ndaj zotit Albert Kaçi, z.Elton Grami, z.Erjon Hoti dhe z.Mariglen Shoshi së bashku me provat që klubi disponon për momentin. Klubi posedon dëshmitarë dhe prova ndaj lojtarëve të mësipërm, për përfshirjen e tyre në baste dhe trukim rezultati gjithashtu klubi është duke hetuar për lidhjet e këtyre lojtarëve me persona jashtë skuadrës “. Iljaz Haxhiaj: “Personi në fjalë është personi që ka komunikuar direkt me mua dje dhe ka pranuar publikisht me mua, sot e mohon dhe mund ta mohojë. Ai nuk donte të tregonte se kush ishin të tjerët. Ju siguroj që nuk është ai i vetëm ka dhe të tjerë. Kjo gjendje që është shumë alarmante te ekipi i Apolonisë janë shumë faktorë, një ndër faktorët kryesorë është trukimi i ndeshjeve”. Baftiar Zeqaj: “Opinioni publik do të ndërgjegjësohet që Apolonia nuk ka për të falur askënd, që bën pazare në emër të klubit apo në emër të qytetit të Fierit”. Klubi vazhdon të hetojë lidhjet e këtyre lojtarëve me persona jashtë skuadrës të përshirë në trukimet e ndeshjeve. Klubi Apolonia ka kërkuar dhe prokurorisë dhe hetuesve të Federatës Shqiptare të Futbollit, që të hetojnë rreth përfshirjes së tyre në krimin e paracaktimit të rezultateve sipas nenit 197 të kodit penal për organizim të lotarive të paligjshme. /tvklan.al Gazetar: Kristaq Thano SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/