Санаанаас эхэлж үнэ цэнийг бүтээх нь | Юнител группийн Маркетингийн газрын захирал А. Энхчимэг

Хүний гадна төрх, сонирхол, ур чадвар гээд олон зүйлсийн нэгдэл хувь хүнийг бүтээж, дахин давтагдашгүй байдлыг бий болгодог шиг брэндийн ялгарал бол яг л тийм. Хэрэглэгчдэд ямар үнэ цэнийг бий болгож, ямар онцлогтой зүйлсээр, хэр уялдаатай, давтамжтай хүргэж байгаагаараа брэнд өөрөө дахин давтагдашгүй болсоор байдаг. Бид өнгөрсөн 20 жилийн хугацаанд хэрэглэгчдэдээ бүтээсэн үнэ цэн, хийж бүтээснээ дүгнэж, ирэх 20 жилийн алсын хараа, зорилгоо илэрхийлэх rebranding-ийг саяхан хэрэгжүүлсэн. Мөн 20 жилийн ойдоо зориулан 7 орны 300 гаруй мэргэжилтний оролцоотойгоор бүтээсэн ӨРТӨӨ Immersive Experience-ийг олон нийтэд танилцуулж, технологийн шийдлүүдээр дамжуулан Монголын харилцаа холбооны баялаг түүхийг мэдрүүлэх цоо шинэ туршлагыг бүтээгээд байна. Энд зочилсон хүн бүр өөрсдийн түүх, өв соёлоороо бахархаж, шинэ өнцгөөс мэдэрч гараасай гэсэн зорилго энэ төслийн гол утга учир байлаа. #UnitelPodcast #Unitel