تێڕامانی قوڵ) چۆن ڕووده‌دات؟)

تێڕامان بە سێ قۆناغدا تێده‌په‌ڕێت ١- ئارامی كورتخایه‌ن ٢-شڵەژان ٣-ئارامی درێژخایه‌ن مێشك وه‌ك جۆگه‌له‌یه‌كی ئاوه‌ كه‌ بنه‌كه‌ی پڕبووه‌ له‌ خڵتەی نیشتوو‌. بۆ ئه‌وه‌ی بنی ئاوه‌كه‌ پاككه‌یته‌وه‌ سه‌ره‌تا ده‌بێت ئاوه‌كه‌ لێڵ بكه‌یت ، دوای ماوه‌یه‌ك ئاوه‌كه‌ خڵته‌كه‌ ده‌بات و ڕوون ده‌بێته‌وه‌. قۆناغی یەکەم: سەرەتا ئاوەکە ڕوونە بەڵام بنی ئاوەکە تەڵخە . لەم حاڵەتەدا دەتوانیت بۆ ماوەیەک بەبێ کێشە تێڕامان بکەیت . قۆناغی دووەم: دوای ماوەیەک ووردەووردە خڵتەی بنی ئاوەکە دەووروژێت و دەبێت بە قوڕاو ئەمە ئەو حاڵەتە باوەیە کە ئەوانەی تێڕامان دەکەن ئەزموونی دەکەن . لەم حاڵەتەدا ھەست بە شڵەژان و نائارامی دەکەیت لەکاتی تێڕاماندا ، ھەزاران بیر دێت بە مێشکتدا. ھەندێک کەس دڵیان خێرا لێدەدات و ناتوانن بەردەوامبن لە تێڕامان. ئەم قۆناغە زۆر گرنگە چونكه‌ سەرەتای چوونە ناو نائاگاییە . ھەرچەند زۆربەی خەڵک لە م قۆناغە تێناگەن و بەرگەی ئەم حاڵەتە ناگرن و وازدەھێنن لە تێڕامانکردن . بەڵام ئەم حاڵەتە کاتی و تێپەڕە قۆناغی سێیەم: پاکبونەوەی ئاوەکە. کە ڕێگەتدا بەخۆت و بەرگەی شڵەژانەکەت کرد ، دواجار ئاوەکە ھەموو قەڕاوەکە ڕادەماڵێت و بنی ئاوەکە ڕوون دەبێتە . ئەمە ئەو حاڵەتەیە کە دەتوانین خۆمان دووبارە پرۆگرام بکەینەوە ، سەرەتای خۆناسین و ڕوناکبونەوەیە. دوای ئەوەی ئاوەکە پاکبویەوە لە خڵتەو قوڕاو. ئیتر بەئاسانی دەتوانین بچینەوە ناو نائاگاییمان و بە ئاسانی دەتوانین کەسایەتیمان بگۆڕین.