【good more LING sir】出行零距離 — 深圳蒸氣海鮮自助餐＋唱K｜每人不用一百元

3月份有朋友生日，香港食玩了幾十年 今年試下拉大隊去深圳唱K buffet 選了福田區蕭邦音樂會所 貪佢交通方便 價錢平 食物豐富 好多廣東歌 一句講曬 性價比高 自助餐時間11:30開始 我們預訂了12點至3點 前台辦理手續後職員幫我們戴上手帶以作識別 然後便可以坐電梯去指定樓層 我們一行6人 房間唔算太大，合理 有獨立洗手間 我最喜歡洗手間在房外 更加衛生。入房之後行返出嚟我哋沿途睇下有啲乜嘢食 首先有熟食區 先有兩種唔同的燉湯 然後有蒸薯仔 番薯 淮山 茶碗蒸 家鄉釀涼瓜 咖哩牛腩 鮑汁扣鳳爪 醬骨架 有飯 三絲炒米粉 臘味炒飯 上湯春菜 水煮魚 泡椒炒牛蛙 孜然醬爆魷魚 小龍蝦 黑椒焗T骨豬扒 蔥油雞 乾鍋肥腸 反沙芋 另一邊有香煎粟米餅 香煎餃子 雞扒 鐵板牛扒 醬香爆汁腸 又有黑椒T骨豬扒 香煎紅魚 手抓餅 荷包蛋 蒜蓉蠔 仲有一啲串燒雞軟骨 蝦 腸 魚蛋豆腐 炸物有台灣鹽酥雞 天婦羅蝦 泰式魚柳 蝦片 芝麻草餅 薯條 煎堆仔 黃金南瓜餅 燒味部有叉燒 芝麻雞 燒雞 燒鴨 港式點心都有好多 包括咗有鳳爪 排骨 牛肉 糯米雞 馬拉糕 魷魚 鮮蝦燒賣 叉燒包 蝦餃 流沙包 粉果等等 我第一次去攞嘅時候都仲有好多蝦餃 但之後再出去的時候 蝦餃就已經沒有亦無再添貨 蝦餃燒賣都好好食 凍海鮮區有青口 希靈魚 凍蝦 來到這裏我就不推介食凍海鮮 當然是食新鮮蒸海鮮 蒸海鮮都有好多 都以當日店內出品為準 當日有蟹 多種唔同嘅貝類 扇貝 青口 紅口貝 美貝 大沙白等等 講都講唔曬 分都分唔到 然後有蝦 你睇下啲蝦隻隻都好生猛 海鮮全部由職員負責蒸 你睇時間夠鐘就埋嚟排隊攞 當時已蒸好的有 桃膠燉木瓜 其他的仲有幾分鐘 所以我見最後這一盤仲有廿多秒 我就企定排隊喇 一打開 一盤蟹 非常新鮮 蟹香撲鼻而來 仲有即場白芍的高湯生滾粉麵 配料都有好多 有脆肉鯇 豬肝 豬心 瘦肉 墨魚丸 牛丸 有機菜 多種菇及粉麵給你選擇 仲未完 仲有葡撻 酥皮湯 老婆餅 多款唔同的麵包 pizza 有煙肉粟米pizza 榴槤pizza 甜椒雞扒pizza 仲有朱古力噴泉 配料 有車厘茄 棉花糖 糖 餅乾等等 飲品區有水果茶 牛奶茶 熱茶 咖啡 軟雪糕等等 入門口處仲有飲品雪櫃 有多種唔同的樽裝 盒裝汽水 綠茶。一入門口就是甜品凍櫃 有多款奶凍 蛋糕 卷蛋 提拉米蘇 酸奶芝士慕斯 覆盆子慕斯 布朗尼開心果蛋糕 粉紅豬仔 (有兩隻間諜混左入黎) 芒果同士多啤梨慕斯 食物仲隨著唔同時間推出唔同食品 譬如隔咗一段時間之後 沒有牛扒居然轉了鵪鶉 已經好多年冇食過鵪鶉真係一個童年回憶 可惜佢整得太乾如果有返啲肉汁會更加好食 之後仲有唔同的海鮮已經蒸好 有蒸蝦 蒸貝 粉絲扇貝 非常大隻的蚌 總結一下 食物大部份都試食過 基本上都好味 新鮮 調味合適不會太咸太甜 我最喜歡蒸點心: 蝦餃，排骨，燒買都好好食，蒸蝦蒸蟹好新鮮，蟹我食了四隻，雖然細細隻，但隻隻都鮮甜有膏 朋友說燒好食 食完又食多幾隻 水煮魚嫩滑 魷魚惹味 喜歡榴槤的朋友不要錯過榴槤pizza 榴槤蓉軟糯我又食了三件 朋友話食榴槤必須配可樂 可惜每日餐單真係視乎當天有什麼來貨 所以那日沒有烤榴槤及蒸鮑魚 講到缺點 熱食蒸住是熱騰騰的 但拿完行返房 房間冷氣夠涼 所以放一陣便不夠熱 我拿了一隻燒蠔 我嫌太腥 食第一粒蜆有竟然沙 好彩之後的都冇沙 所以真是睇彩數 最失望應該是甜品 有甜味但唔夠香味 食完分不到自己食了什麼 粟子 香芒 ？只有抹茶及覆盆子比較出色。 咦，係喎，我地好似搞錯咗 我哋唔係正式自助餐而係k buffet喎 但食自助餐我哋都食咗兩個幾鐘 所以得返少少時間唱k 下次再嚟真係唔止買三個鐘 要買五個鐘頭先夠 k歌種類 有多種語言 朋友點了好多日文歌 全部冇出到 明嘅就明啦 廣東歌 英文歌都ok 我哋成班都係唱舊歌 喺香港好多卡拉ok都變曬演唱會版 呢度都仲有得唱 講返價錢 標價是每位成人3小時卡拉OK連自助餐198 但門市經常做特價133 5小時298 特價188 經美團買團購可能會更便宜 但要留意幾點 睇清楚日期 星期一至五會平些 但如果你星期六日前來就要選可用於星期六日的 要計算人數 5+1是6 4+2 3+3 也是6 以我們當日來說 3人3小時才298人民幣 就是最便宜的了 買兩張596 食飽飽玩三個鐘每人不用一百人民幣真是很便宜 如果5+1會618+133 共751 每人125 但我們遇到訂位問題 希望知道的朋友在下面留言教教我們 按預約鍵要打內地電話聯絡店方 我在香港會關閉內地電話卡 開啓會收漫遊費用 朋友有一卡兩號 但在香港打內地電話收費會很貴 好似lDD咁 按apps訂位又找不到使用美團優惠券 最後我們找住在內地朋友代打電話訂位 這樣非常不方便 另外加唱時間85人民幣沒有寫/人(per person) 那是指房價 不論你三人定6人？ 有真實試過的朋友請留言告訴我們 謝謝 最後講埋路線 如果喺羅湖過關 坐1號線 四個站就可以到科學館站 如果落馬洲過關 搭4號線兩個站去到會展中心 轉返1號線 再搭多三個站 同樣地可以到到科學館站 1號線由D出口出其實會比較近 因為行去F出口喺地底要行好耐 D出口出咗之後轉右手 斜對面你就見到蕭邦 當然如果你怕熱或者落雨 由地底行去F出口 出咗之後轉返後面 就已經即刻到達 #深圳蒸氣海鮮自助餐 #自助餐 #100元 #唔講藝術住 #lingsir #同朋友吃唱玩樂 #唱K #蕭邦音樂會所