Есірткі бизнесімен айналысып жүрген танымал жұлдызды топ ұсталды

Алматыда есірткі бизнесін ұйымдастырды деген күдікпен кеше бір топ адам ұсталды. Кейін желідегі оқырмандар оларды Руслан Хван есімді азаматтың басқаруымен жұмыс істеп келген q-pop орындаушылары «Mad-Men» тобы деп танып жатты. Полиция ұстаған күдіктілер Алатау ауданындағы Рахат ауылында есірткі дайындайтын қоймалары барын апарып көрсетіпті. Ал бұл ірі операцияға дейін 31 арна тілшілері осы аудандағы бірнеше ұнтақ сатушыларды ұстау амалдарына қатысып, Полицияның жұмысын сынға алған еді. Томиристіктер төмпештеп жүріп, Көкқайнарлықтар көрген жерден ұстап алған әлгі ұнтақ іздеушілер бір айдан бері тұтас қаланы шулатып келеді. Содан халық дабыл қағып полициядан бұрын жарақтанып жүріп, жүздеген ұнтақ сатушыларды жүгендеп еді. Жарым түнде топ адамды қоршауға қамап тұрып, полицияға ұстап берген халықтың ашынған күйін, көзбен көріп, мұңын тыңдап едік. ӘЛІБЕК ШЫНТЕМІР, тілші: – Тұрғындардың сөзінше әлгі белгісіздер осындай темір бағаналардың түбін қазғыштап жүреді дейді. Өйткені сатушы сондай орындарды нөмірмен белгілеп тығып қояды деп отыр. Ал кешелі бері ұсталған 10 күдіктіден де есірткіге ұқсас ұнтақ табылып Алатау аудандық полиция бөлімшесіне жеткізіліпті. Иә, есірткі бизнесін бастап тұр деген күдікпен 21 жастан 30 жас аралығындағы 10 адам ұсталды. Полиция топты басқарған 1994 жылғы азамат деп отыр. Ал желі қолданушылары ол Q-pop жанрын орындайтын "Mad-Men" тобының продюсері Хван деп пікір қалдырды. Тіпті оны жақын білетіндер "Біз бәріміз жұмыста сергек жүру үшін заңсыз препараттарды қолдандық, онсыз болмас еді. Хван тарапынан топтағы жігіттерге қысым көрсетілді. Ол тіпті компаниядағы қыздарды да бопсалады" деп жазып, пост шығарыпты. «Есірткі бизнесіне қарсы күрес Басқармасы бұл қоймадан есірткі дайындайтын синтетикалық қоспаларды, ацетонмен, мың тал түрлі-түсті полителен, шыны пробалар тәркілеген. Ал күдікті топ қала маңында жалдап тұрған жер үйден ұнтақ және кесек түріндегі заттар, электронды таразы, шыны колбалар тауыпты. ЕРЛАН АЛМАҒАМБЕТОВ, Алматы қаласы Есірткіге қарсы күрес басқрамасының бастығы: – Бір жыл бойы синтетикалық есірткі құралдарын дайындаумен және сатумен айналысқан ұйымдасқан қылмыстық топ ұсталды. Ұсталған топ тәркіленген заттар «мефедрон» атты есірткі екенін полицияға айтып беріпті. Енді сот-химиялық сараптама тағайындалып, күдіктілер уақытша тергеу изоляторына қамалыпты. Әлібек Шынтемір, Ринат Абулхайыров Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #MadMen #есірткі #Алматы #Меф