FAMILJA LI ILHA SNIN TWAL TIRRANĠA U TAĦDEM IL-BAMBINI.

ONE.COM.MT - Il-Bambin, figura ċentrali fi żmien il-Milied. F’dawn iż-żminijiet żorna maħżen f’Raħal il-Ġdid fejn rajna għadd ta’ Bambini jsiru jew jissewwew minn familja li għandha storja ta’ erba’ ġenerazzjonijiet taħdem f’dan il-qasam. Il-Milied ma jiġix mingħajr il-Bambin. F’maħżen f’Raħal il-Ġdid iltqajna mal-familja Brincat li ilha għall-erba’ ġenerazzjonijiet tiret is-sengħa taħdem fuq il-bambini. F’dan il-maħżen sibna lil David, Josef u Pierre Brincat jirranġaw wħud minnhom u anki tagħmel mudelli oriġinali ta’ Ġesù Bambin. Rajnihom issewwu Bambin li kellu s-swaba mkissrin. Il-proċess skata billi bdew jirfinaw s-swaba u jillixxaw u jneħħu l-parti żejda, sabiex hekk ikunu jistgħu jitwaħħlu s-swaba’ l-ġodda. U imbagħad wara twaħħlu s-swaba’ li kienu għadhom mingħajr kulur F’kamra oħra f’dan il-maħżen beda proċess ieħor fejn beda jinżebaħ. L-ewwel, beda jinżebaħ il-biċċa l-kbira tal-Bambin, fejn ingħata madwar tlett passati ta’ żebgħa. (G1880-92) Imbagħad imxew għal parti delikata bħal-għajnejn u ix-xagħar. (G1893-98) David Brincat spjegalna kif imbagħad il-Bambin jitħalla għal diversi sigħat sakemm jinxef u jerġa’ jingħata passata oħra ta’ żebgħa. DAVID BRINCAT – ARTIST “Maġġoranza ta’ bambini ġo Malta huwa xogħol tagħna, tan-nanniet tal-bużnanniet tagħna għax is-sengħa tmur lil hinn miż-żmien tal-illum. Is-sengħa aħna qegħdin ir-raba’ ġenerazzjoni, jiġifieri qed nitkellmu aktar minn mitt sena” Barra li jirrestawraw l-istatwi, il-familja Brincat jagħmlu wkoll il-figura tal-bambin fejn jinħadem bit-taħlita tal-ġibs u t-trab tal-irħam, li jieħu x-xhur sabiex jitlesta. Brincat spjegalna kif is-sengħa tal-istatwi qed tonqos maż-żmien. DAVID BRINCAT – ARTIST “Is-sengħa qed tonqos, imma l-arti trid tkun ġo fik. Inutli tipprova taħdem, hawn min jaħdem imma l-arti, hija l-arti ġo fik. Jiena din l-arti tiegħi, hawn min għandu l-arti li jpinġi – jien ma nagħmiliex dik l-arti, imma din nagħmel.” Bla dubju l-Bambin fil-fisqija mpoġġi fil-maxtura jibqa’ il-figura ċentrali ta’ dan iż-żmien qaddis.