श्री रामवरदायिनी देवी जत्रा २०२२ | चोरवणे गाव | Choravane palkhi | Shree Ramvardayini Devi Choravane

जत्रा आणि उत्सव या पंचक्रोशीत एप्रिल महिन्यामध्ये प्रत्येक देवस्थानच्या जत्रा भरत असतात, त्या जत्रेची सुरुवात या देवीच्या जत्रेपासून होते. पहिली यात्रा ही चैत्र महिन्यात पौर्णिमेला, हनुमान जयंतीच्या दिवशी होते. त्यानंतर सर्व देवस्थानच्या जत्रा एक एक करून होतात. श्रीरामवरदायिनी देवी नवसाला पावते, अशी येथील प्रत्येक भाविकाची श्रद्धा आहे.. पंचक्रोशीतील भक्तमंडळी आपल्या प्रापंचिक दुःखाबद्दल, आधिभौतिक, दैविक कृत्यांची गाहाणी देवीसमोर कौल रूपाने मांडून त्याचा उलगडा करून घेतात आणि त्या प्रमाणे आपले आचरण ठेवतात. ह्या देवीच्या दर्शनाला वर्षभर भाविक येत असतात. देवीचा सोहळा पहायला भक्त हे नियमितपणे वार्षिक जत्रेला आणि होळीला आवर्जून येतात, आणि देवीचे तसेच तिच्या पालखीचे दर्शन घेतात. चोरवणे गावातील माहेरवाशिणी देवीची ओटी भरायला जत्रेला किंवा होळीला येतातच. देवीची पालखी गावातील आपल्या मानकऱ्याबरोबर आणि पारंपरिक स्थानांवरून निघते. जीर्णोद्धार सध्या चोरवणे गावातील ह्या ’श्रीरामवरदायिनी’ देवीच्या देवळाच्या जीर्णोद्धाराचे काम गेल्या दोन वर्षांपासून चालू आहे. सर्व भक्तांचा देवीचे भव्य पाषाणी मंदिर बांधायचा प्रयास चालू आहे. त्यासाठी लागणारे पाषाण आणि त्यावर काम करणारे कारागीर हे कोल्हापुरातून आलेले आहेत. कोल्हापूरचे महालक्ष्मी मंदिर आहे तसे ’श्रीरामवरदायिनी देवीचे’ संपूर्ण पाषाणी मंदिर बांधायचे असे प्रत्येक भक्ताचे मनोरथ आहे. प्रस्तावित मंदिराची प्रतिकृती ही मंदिरात ठेवलेली आहे. संदर्भ ’वासोटा’ किल्ला अतिशय निबिड आणि घनदाट जंगलांनी वेढलेला आहे, त्याला ’व्याघ्रगड’ सुद्धा म्हणायचे, त्याची प्रचिती गिरिविहार करताना अजून येते. गेल्या काही वर्षात तेथे बिबट्यांचा वावर पहायला मिळाला. आजही कित्येक दुर्गप्रेमी, गिरीविहारप्रेमी ह्या किल्ल्याला भेट देतात, ह्याचा दुसरा भाग, बामणोळी-मेटइंदवली हा सातारा जिल्हातील ’शिवसागर’ ह्या कोयना नदीवरील धरणाच्या अतिविशाल जलाशयाच्या खोऱ्यात येतो. हा सर्व परिसर ’कृष्णा व्याघ्र प्रकल्प’ म्हणून वनक्षेत्रातील संरक्षित भाग आहे. त्या भागातून जाण्यासाठी वनखात्याची विशेष परवानगी, सातारा कार्यालयातून घ्यावी लागते. ’वीरगळ’ म्हणजे ’युद्धशिळा’.हिच्यावर लढाईचे विविध प्रसंग कोरलेले असतात. वीर कधी एकाचवेळी दोन तर कधी अनेकांशी लढतो, त्यांच्या हातात विविध आयुधे असतात. इस्लामी आक्रमकांशी अथवा युद्धात संघर्ष करताना जे वीर धारातीर्थी पडले, त्यांच्या स्मृतिप्रीत्यर्थ ’वीरगळ’ ठेवलेले आपल्याला संपूर्ण महाराष्ट्रात अनेक ठिकाणी सापडतात. हे ऐतिहासिक पराक्रमाची स्मारके किंवा पुरावे आहेत.