Zgjedhjet në Maqedoni, partitë shqiptare kërkojnë përsëritjen e zgjedhjeve - (30 Mars 2005)

Lajme arkiva 2005 Tre dit pas përfundimit të raundit të dytë të zgjedhjeve vendore në Maqedoni koalicioni opozitar shqiptar PDSH-PPD ka paralajmëruar se do të marrë një ofensivë të mirëfilltë diplomatike për sensibilizimin e opinionit publik mbi përsëritjen e zgjedhjeve në 16 komuna të Maqedonisë. Kryetari i Partisë Demokratike Arbën Xhaferi ka deklaruar se do t’i ofrojë përfaqësuesit të Bashkimit Europian dhe atij të OSBE-së në Maqedoni argumente se qeveria i ka keqpërdorur institucionet e shtetit për të siguruar fitoren në këto zgjedhje. “Me zgjedhje të parregullta Maqedonia nuk mund të inkuadrohet në proceset normale demokratike,”- ka thënë Xhaferi. Koalicioni opozitar i dy partive shqiptare premton të angazhohet për anulimin e zgjedhjeve në 16 komuna edhe përmes rrugës institucionale. Iniciativa e tyre ka gjetur edhe përkrahjen e partive të tjera opozitare maqedonase. Pakënaqësia nga rezultatet zgjedhore ka nxjerr gjatë ditës së sotme në protesta banorët në komunën e Ohrit dhe Dollnenit./tvklan.al Gazetare: Mira Kazhani SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/