संदेशाचा विषय : नीतिमान विश्वासाने जगेल

कारण तिच्या द्वारे देवाचे नीतिमत्त्व विश्वासाने विश्वासासाठी प्रकट होते कारण असा शास्त्रलेख आहे की, “नीतिमान विश्वासाने जगेल.” रोमकरांस १:१७ प्रिय मित्रांनो, सैतान हा फसवणुकीचा बादशहा आहे; आणि जे लोक देवाचे वचन जाणत नाहीत, त्यांची तो फसवणूक करतो. बायबल म्हणते: “नीतिमान मनुष्य विश्वासाने जगेल.” विश्वास ही आशा धरलेल्या गोष्टींची खात्री आणि न दिसणाऱ्या गोष्टींचा पुरावा आहे (इब्रीलोकांस ११:१). तरीही, लोक देवाच्या वचनाकडे दुर्लक्ष करतात आणि ज्या गोष्टी डोळ्यांना दिसतात आणि ज्या देवाच्या वचनाच्या विरोधात आहेत त्यांच्या मागे धावतात. आपला विश्वास आणि आपले तारण यांची खात्री पटवून घेण्यासाठी, त्यांना अन्य भाषा बोलणे, चमत्कार बगने किंवा करण्याची देणगी असणे, रोगमुक्तीची देणगी असणे, समृद्धीची आणि भविष्यवाणी करण्याची देणगी यांसारख्या अनेक चिन्हांची अपेक्षा करतात. ही सर्व चिन्हे देवाने केवळ यहूदी लोकांसाठी आणि एका विशिष्ट कालावधीपुरतीच दिली होती; आणि जेव्हा बायबल पूर्ण झाले, तेव्हा ही चिन्हे काढून घेण्यात आली (१ करिंथकर १३:८-१०). परंतु, लोक अजूनही चिन्हांच्या शोधात असल्याने, सैतान त्यांना खोट्या (बनावट) देणग्यांद्वारे फसवतो. जे लोक चिन्हांच्या शोधात होते, त्यांना देवाने ‘व्यभिचारी पिढी’ असे संबोधले (मत्तय १२:३९). आता प्रत्येकाने विश्वासाद्वारेच देवाकडे आले पाहिजे आणि, विश्वासाने मिळणाऱ्या तारणाच्या देणगीसाठी, येशू ख्रिस्तावर विश्वास ठेवला पाहिजे. नीतिमान मनुष्य विश्वासानेच जगेल. तुम्ही तुमचे जीवन कसे जगत आहात? विश्वासाने, की चिन्हांच्या आधारे? नीतिमान मनुष्य विश्वासाने कसे जगू शकतो हे जाणून घेण्यासाठी, कृपया