港漫咬蔗幫 905 集 《商湯天子》神創意加血量計！《大聖未來》變季刊？蚩尤變方丈仲要係黑龍仇人？！

主持 : Decade、私敵、Tim 🎤 客席主持 : Andrew 👤 《商湯天子》打妖，但我好擔心三叔個春袋…… 講真，古裝書竟然識得加條「血量計」落去，呢個 crossover 網遊嘅創意真係要俾個讚，畫面豐富好多！不過依家劇情去咗打妖，到底幾時先正式討伐桀王？我依家最擔心的唔係打唔打得贏，而係三叔同小寶……佢哋無端端去阻住蜥魔扑嘢，真係好驚佢哋隨時壯烈犧牲，仲要慘被「燒春袋」……求編劇手下留情！ 《大聖未來》第五期終於出左！但第六期要等到九月？！ 望穿秋水，《大聖未來》第五期終於肯出。正當我想大讚之際，一睇尾頁：第六期（第一輯完結）竟然要等到九月？！由月刊直接進化成「季刊」，今次真係「大聖未來，唔知幾時先來」。大家估下九月佢老人家能唔能夠準時現身？ 《龍虎門》：原始門主蚩尤登場！大佬，你甩頭髮喎？ 另一邊廂，《龍虎門》原始門主蚩尤終於霸氣登場（但內心OS：我咁靚仔點解要甩頭髮？）。最爆嘅係，佢原來又係方丈！更估唔到佢竟然係勇哥當年喺英國讀書嘅死黨，呢隻「大家互相隱藏真正身份」嘅無間道橋段，老實講幾有味。 不過峰迴路轉，原來蚩尤同時亦係石黑龍嘅殺父仇人！暫時條人物關係線都算清清楚楚，至於遲啲會唔會又亂成一團？大家買定花生一齊睇落去！