US August 2026 Visa bulletin: અમેરિકા જવાની રાહ જોઈ રહેલાં ગુજરાતીઓ માટે રાહતના સમચાર

ફેમિલી સ્પોન્સરશિપ પર અમેરિકા જવાની રાહ જોઈ રહેલા ઈન્ડિયન્સ માટે ઓગસ્ટ 2026નું વિઝા બુલેટિન મોટી રાહતના સમાચાર લઈને આવ્યું છે. આમ તો છેલ્લા ઘણા મહિનાથી લોકોની ગ્રીન કાર્ડ માટેની ફાઈલ્સ અટવાઈ ગઈ હતી પરંતુ લેટેસ્ટ વિઝા બુલેટિનમાં વેઈટિંગમાં ખાસ્સો ઘટાડો થયો છે. અમેરિકન સિટીઝન્સ અથવા પરમેનન્ટ રેસિડેન્ટ્સ દ્વારા પોતાના સ્પાઉસ, સંતાનો અને ફેમિલી મેમ્બર્સને ગ્રીન કાર્ડ પર અમેરિકા બોલાવવા માટે જે અલગ-અલગ કેટેગરીમાં એપ્લિકેશન કરાય છે તેમાં F1, F2A, F2B, F3 અને F4 જેવી કેટેગરીનો સમાવેશ થાય છે. F1 કેટેગરીમાં યુએસ સિટીઝન પોતાના 21 વર્ષથી વધુની વય ધરાવતા અનમેરિડ સંતાનોને બોલાવી શકે છે, લેટેસ્ટ વિઝા બુલેટિન અનુસાર આ કેટેગરીમાં 15 ડિસેમ્બર 2018 પહેલા જેમની એપ્લિકેશન ફાઈલ થઈ છે તેમને હવે ગ્રીન કાર્ડ ઈશ્યૂ થવાનું શરૂ થશે.