មួយឆ្នាំហើយ ពលរដ្ឋភៀសសឹកកម្ពុជារស់នៅជំរំទាំងឈឺចាប់ ហើយត្រូវការការប្រឹក្សាផ្លូវចិត្តជាប្រចាំ

មួយឆ្នាំហើយ ពលរដ្ឋភៀសសឹកកម្ពុជារស់នៅជំរំទាំងឈឺចាប់ ហើយត្រូវការការប្រឹក្សាផ្លូវចិត្តជាប្រចាំ ព្រះវិហារ៖ នៅថ្ងៃទី២៤កក្កដានេះ មានរយៈពេល១ឆ្នាំហើយ ដែលយោធាថៃ បានឈ្លានពានកម្ពុជា ដោយ កម្លាំងប្រដាប់អាវុធមកលើកកម្ពុជា។ ការឈ្លានពាននេះ បង្កឱ្យមានជនភៀសសឹក ប្រមាណ៦៤ម៉ឺននាក់។ ទោះបីជាមានបទឈប់បាញ់ កាលពីថ្ងៃទី២៧ធ្នូ ឆ្នាំ២០២៥ ក៏មានជនភៀសសឹកប្រមាណ២ម៉ឺននាក់ទៀត ពុំទាន់អាចវិលទៅផ្ទះវិញបាន ដោយសារថៃនៅតែបន្តឈ្លានពានជាប្រចាំ។ ការឈឺចាប់ និងភាពភ័យខ្លាចទាំងនេះ នៅជាប់ជាមួយពលរដ្ឋខ្មែរជានិច្ច ពិសេសជនភៀសសឹក។ អ្នកស្រី អ្នកស្រី សៀន ផាន់ណា ជនភៀសសឹកនៅជំរំបណ្ដោះអាសន្ន ក្នុងភូមិតាកឹងបៃតង ឃុំថ្មី ស្រុកគូលែន ខេត្តព្រះវិហារ នៅតែទន្ទឹងរង់ចាំ ចង់ត្រឡប់ទៅវិញផ្ទះ។ ស្រ្តីវ័យ៣៤ឆ្នាំរូបនេះ មានផ្ទះ នៅតំបន់ក្រហម ក្នុងភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ។ អំឡុងពេលភៀសសឹកចេញពីភូមិ កាលពីប៉ះទង្គិចគ្នានៅឆ្នាំមុន អ្នកស្រី ផាន់ណា ពុំបាន យកទ្រព្យសម្បត្តិ និងសម្ភារប្រើប្រាស់មកឡើយ ដោយសារភ័យខ្លាច បារម្ភតូចៗទាំង៣ នាក់ ព្រមទាំងសុវត្ថិភាពប្ដី ដែលជាទាហានប្រចាំការនៅជួរមុខ។ អ្នកអះអាងថា៖ «ខ្ញុំ ឈឺចាប់ ដែលថៃបាញ់ប្រហារមកយើងមុន ដោយយើងគ្មានបានត្រៀមអ្វីឡើយ ហើយកូនកំពុងរៀន វារត់មករកម៉ែ សំឡេងគ្រាប់ខ្លាំងៗ វានៅតែជាការឈឺចាប់ជាប់ក្នុងខ្ញុំចិត្តរបស់ខ្ញុំ»។ អ្នកស្រី សៀន ស្រីតូច ជនភៀសសឹកនៅភូមិតាកឹងបៃតង ក៏ដិតដាមជាមួយការឈឺចាប់នេះដែរ។ ស្ថិតក្នុងវ័យ៣១ឆ្នាំ អ្នកស្រីមានកូនតូចៗ៥នាក់។ អំឡុងពេលភៀសសឹក អ្នកស្រី រត់ចេញពីភូមិ ទាំងភ័យខ្លាច ហើយចូលលាក់ខ្លួនតាមលូ ដើម្បីគេចពីគ្រាប់ប្លោងរបស់ថៃ។ ឈរនៅផ្ទះបណ្ដោះអាសន្ន ក្នុងភូមិតាកឹងបៃតង អ្នកស្រី តូច ដែលមានប្ដីជាទាហាន បានអំពាវនាវយ៉ាងដូច្នេះ៖ «សូមឱ្យអន្តរជាតិជួយគាំទ្រកម្ពុជា ដើម្បីអាចឲ្យពលរដ្ឋខ្មែរ នៅតំបន់ក្រហមបានវិលទៅផ្ទះវិញបាន»។ ពលរដ្ឋនៅផ្ទះបណ្ដោះអាសន្ន ក្នុងភូមិបៃតង មានទាំងអស់៦៤៥គ្រួសារ មកពីភូមិចំនួន៤ ក្នុងតំបន់ក្រហម រួមមានភូមិតាកឹងបៃតង ឃុំថ្មី ស្រុកគូលែន ខេត្តព្រះវិហារ។ លោក មិន ស៊ីថា អភិបាលរងខេត្តព្រះវិហារ អះអាងថា មកដល់ពេលនេះ ពួកគេ នៅតែឈឺចាប់នឹងការឈ្លានពានរបស់ថៃ ហើយអាជ្ញាធរ បានផ្ដល់ការគាំទ្រជាប្រចាំ។ ពិសេស គឺផ្ដល់អ្នកជំនាញប្រឹក្សាយោបល់ផ្លូវចិត្ត ដល់ពួកគេ។ «មកដល់ពេលនេះ នៅថ្ងៃនេះ យើងមានអ្នកជំនាញប្រឹក្សាផ្លូវចិត្តពី អង្គការចិត្តសង្គម អន្តរវប្បធម៌កម្ពុជា (TPO) ដើម្បីឱ្យផ្ដល់ប្រឹក្សាដល់ពួកគេ ឲ្យពួកគេបានធូរស្រាល ហើយចេះគាំទ្រផ្លូវចិត្តគ្នាទៅវិញទៅមក»។ នេះបើតាមលោក មិន ស៊ីថា ប្រាប់ក្រុមអ្នកសារព័ត៌មាន ហើយអះអាងពីជំហរពលរដ្ឋ ក៏ដូចជារដ្ឋាភិបាលកម្ពុជា ត្រូវការសន្តិភាព៕ ផលិតដោយ៖ ថ្មីៗមីឌៀគ្រុប ដោយ៖ ឡាយ សុភាវតី និង ឡេង សុភានិត្យ សូមចុចចូលតេឡេក្រាមផ្លូវការរបស់សារព័ត៌មានថ្មីៗមីឌៀគ្រុប t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប! សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប! ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌ថ្មីៗមីឌៀគ្រុបតាមរយៈ 012 900 132/081 699 329 ឬតេឡេក្រាម t.me/salesttn ThmeyThmey Media Group: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Threads: https://bit.ly/44q1UPl © All Rights Reserved & Copyrights by Thmey Thmey Media Group #thmeythmey #thmeythmeynews #cambodianess #thmeythmey25 #ថ្មីៗ