فساد - ساذج وعادي (prod. Ryder)

Art work by @a_rty0m Beat by @qatopa Mix & Master by @smokeyiq كلمات : مرات اتنمى لو جنت شخص ساذج وعادي بلي عدي راضي ومافكر اعوف بلادي حياتي عمل واهل وما اجهد افكاري وبيوم القيامة حسابي على كد ادراكي ايماني عالفطرة استحالة اشك بيوم ما افكر باسباب وجود ولا شكو ورة الموت هالامور كلها ما تخطر تخطر عبالي عقلي بمنهتى البساطة و عايش حياتي تلقائي واقصى طموحي اشوف احفادي بحضن اولادي حتة من اموت هيج اموت وبالي صافي ماهمني اخلد اسمي ولا العالم لو نساني اصلا ماعرف اكتب اسمي مادارس حتة ابتدائي ما اهتم لحجي الناس لنو عمري مافهمته ما عندي انترنيت وما اعرف شنو ترند بس كل الي اعرفه اليوم هنانة عايش اما باجر كل املاكي عايفها للدنيا ورايح اوف كلي شيصفي هالبال مو جنت عايش مرتاح اشوداني لهالفكار المفروض العلم نور والثقافة كالسلاح لكن اني خوفي يزيد وي كل ختمة كتاب يوم بعد يوم انحرف عن القطيع دا انسلخ عن الحشر الي جان بعيني عيد جنت نايم هنيئ و غارق بحلم وردي ماجنت اعرف بين الوحدة والوعي تناسب طردي اسف صديقي هسة كمت اشوفك صطحي اهتمامتك والحجي الزايد عنها so disguisting تتقدم بس ماديا عقليا تفكيرك راكد ارجع كم خطوة ليورة حتشوف الصورة بالكامل او خلك خلك لا ترجع افضلك خلك غافل وانس لنو الوحدة ماحترمك واسألني الي اني ادري بهاي العاقبة مو شقى لما اكلك الوعي كتال صاحبة