Elahi Taba Abad Astan-e-yar Rahe | Bedam Shah Warsi | Urdu Ghazal | lyrics || الٰہی تا بہ ابد ||

کلام سید بیدم شاہ وارثیؒ آواز سائیں جعفر حسین قوال الٰہی تابہ ابد آستانِ یار رہے یہ آسرا ہے غریبوں کا برقرار رہے یہ آرزو ہے پسِ مرگ بھی وقار رہے کسی کا نقشِ کفِ پا سرِ مزار رہے ترقیؤں پہ تیرے حُسن کا نکھار رہے صدا چمن میں تیرے حُسن کی بہار رہے گُلِ مراد کِھلے سینہ لالہ زار رہے الٰہی میرے چمن میں یونہی بہار رہے خدا رکھے تُجھے تجھ سے ہی کام ہے مجھ کو کوئی رہے نہ رہے تُو خیالِ یار رہے کسی کے در کی غلامی نے یہ شرف بخشا فقیر ہو کے بھی دنیا میں تاجدار رہے وہ کون ہے جو میرا بد نصیب دل بیدمؔ چمن میں رہ کے بھی بیگانۂ بہار رہے