បំពេកូន ៣នាទីកូនគេងលក់ ម្តាយស្តាប់៥នាទី ស្រក់ទឹកភ្នែក

នឹកម៉ែ នឹកម៉ែ ៖ (រូបភាព៖មល្លិកា) ~~~~~ ១.ម៉ែអើយម៉ែសូន្យ រូបកូនសែនខ្វល់ ម៉ែបានបន្សល់ ដល់កូនទ្វេហា ស្នាមស្នេហ៍ម៉ែស្និទ្ធ ដិតជាប់ចិន្តា ដាមដោយទុក្ខា ថ្លាថ្លែងមិនគ្រប់ ។ ២.ម៉ែអើយម៉ែបាត់ រសាត់ទៅផុត កូនសែនស្រយុត ស្លុតក្រៃថ្ងៃយប់ ទោះកូនចូលគេង កូនតែងសញ្ជប់ ព្រលឹមព្រលប់ ខ្ទប់មុខសោកសៅ ។ ៣.ម៉ែអើយម៉ែធ្លាប់ ឱបផ្តាំរូបកូន ជួយមើលថែរប្អូន មុនម៉ែឃ្លាតទៅ ម៉ែឃ្លាតមែនម៉ែ តែពាក្យម៉ែនៅ លង់លុះឥឡូវ កូននៅថែរទុក ។ ៤.ម៉ែអើយសូមម៉ែ កុំបែរបារម្ភ រូបកូនប្អូនខ្ញុំ សូមម៉ែផុតទុក្ខ សូមល្អគ្រប់ជាតិ កុំឃ្លាតក្តីសុខ ហើយសុំផ្សងទុក ជាតិមុខកូនម៉ែ ។ តាព្រាប