馬國明疑蘇梅島完婚 鄭嘉穎首開腔道歉認已約食飯親解「嘥時間」傳聞

馬國明疑蘇梅島完婚 鄭嘉穎首開腔道歉認已約食飯親解「嘥時間」傳聞 馬國明與湯洛雯傳喺泰國蘇梅島舉行小型婚禮，僅邀60位親朋好友，多位圈中好友出席，馬明好兄弟鄭嘉穎之前喺訪問講過因湊仔未必有時間到賀，因此有傳二人不和，嘉穎呢日出席活動鄭重澄清報道內容並非事實。 嘉穎透露有同馬明表示唔好意思，真係對馬明唔住，馬明喺咁忙碌籌備婚禮當中，仲要抽時間解畫，嘉穎坦言喺當日受訪前已跟馬明傾咗未必出席到，馬明亦好諒解知道有難處，嘉穎原先係傾好等馬明忙完返嚟食餐飯，到時先親手送禮，嘉穎又指：「我同佢私底下拆掂咗，點解我出嚟仲要講咁多嘢，當唔講咁多嘢，就有咁多遐想出現，今次經一事長一智，為咗別人，唔好添麻煩，或者我太太又好，其他真係唔好意思。」 嘉穎稱以後會多加留意，講嘢唔會再咁簡短去解釋，或者唔鍾意解釋都要解釋：「我身邊嘅朋友唔可以代表全香港，我身邊朋友係得咁多，『嘩！乜佢咁，話冇時間去人哋婚禮都有』，小弟真係冇講過個『嘥』字，『嘥』即係浪費嘅意思，我只係話我有三個小朋友時間好有限，點用時間我都要好緊張……當時有位記者朋友問係咪『嘥』時間，我話一日得24小時，我唔係話『嘥』，去唔去到人哋婚禮都唔係『嘥』時間。」被問王賢誌（Vinci）發文暗指其係雙面人，嘉穎指親戚同家人就唔多講，只係話自己性格直率。 #鄭嘉穎 #馬國明 #不和 #蘇梅島 #完婚 #嘥時間 #道歉 #經一事長一智#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0