Tv Klan - Inaugurohet rruga e re Qukës – Qafë Plloçë

14 vjet nga nisja e punimeve, një nga projektet më të rëndësishme infrastrukturore për rajonin juglindor të Shqipërisë, pjesë e Korridorit 8, ai Qukës – Qafë Plloçë u hap zyrtarisht për qarkullimin e automjeteve. Sikundër në çdo inaugurim, edhe kësaj radhe, Kryeministri nuk i shpëtoi dot mikpritjes së grupeve polifonike dhe banorëve që e gostitën me kulaç sipas zakonit të zonës. Përfundimin e këtij aksi rrugor nga qeveria e tij, Kryeministri e cilësoi një fitore të madhe. “Kur e morëm në trashëgimi këtë projekt që kishte nisur pa projekt, që ishte tmerr dhe që Niko thoshte se kjo duhej bërë patjetër. Është projekti më i gjatë, më i stërmundimshëm, më i ngatërruar për shkak se u nis mbrapsht. Edhe tani është gjë e madhe që mbaroi, edhe që edhe njerëzit e zonës, për të cilët është fitore e madhe, çlirim i madh, po edhe gjithë kjo zonë e Shqipërisë e ka në dispozicion edhe do të marrë gjithë përfitimet që sjell. Po është një çlirim shumë i madh. Dukej sikur s’do mbaronte kurrë.” Për Zëvendëskryeministren Balluku, aksi rrugor 43 km i gjatë synon jo vetëm të lehtësojë lëvizjen drejt zonës juglindore të vendit, por pritet të ketë një ndikim pozitiv në zhvillimin ekonomik të saj, kryesisht në sektorët e bujqësisë, turizmit dhe agroturizmit. “Janë 43 kilometra të plota të cilat, sigurisht, shkurtojnë ndjeshëm. Është edhe lehtësim për Pogradecin, se kishim një ngarkesë shumë të madhe kohët e fundit.” Aksi Qukës – Qafë Plloçë, pjesë e Korridorit 8, është një arterie e rëndësishme ndërkombëtare që lidh Shqipërinë me vendet fqinje. Segmenti përmban dy karrexhata nga 3.75 m secila, me një metër korsi ndihmëse në të dyja anët, korsi të tretë në zonat me disnivele të theksuara për parakalime të sigurta, dy tunele me gjatësi totale rreth 1.1 km, katër ura, nga të cilat dy janë ura metalike të varura. Rruga Qukës – Qafë Plloçë është një rrugë e kategorisë C1, ku shpejtësia e lejuar do të jetë 80–90 km/orë. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/