東張西望｜「送飯姐」氹90歲伯伯贈200萬養老屋

【東張西望】「送飯姐」氹90歲伯伯贈200萬養老屋 一名社福機構職員，單靠幫伯伯送飯，竟然換嚟一整間物業？！今次嘅事主現年90歲，喺坪洲擁有一間三百多呎嘅單位，同婆婆相依為命，除此之外，身邊最親嘅人就淨返姨甥孫同契女。 由於兩公婆年事已高，親人請社福機構送飯，負責嘅職員陳太對兩公婆關懷備至，甚至曾經救過事主一命。陳太與兩公婆關係密切，亦問過可否將單位轉售俾佢，而事主亦同姨甥孫和契女提過，打算喺自己百年之後將單位交給陳太。但當姨甥孫打算將單位做按揭以支持兩老生活費時，卻發現單位早已喺2017年轉到陳太名下，根據土地註冊處的資料，清楚列明單位於2017年10月送贈。 而陳太將單位攞到手之後，就冇再理會過二老，對於姨甥孫要求歸還單位更是懶理，甚至喺婆婆去世時都冇出現過。 問及當事人伯伯，事主堅稱送樓出自於婆婆嘅意願，不會背信棄義。於是攝製隊搵到陳太，讓事主、陳太同事主親屬三方對質，期間陳太咄咄逼人，堅稱成件事係佢同事主之間啲事，其他人唔準插手。但喺眾人強烈堅持下，陳太最終攞出業權文件和送契供主持查看。 大律師陸偉雄檢閱主持拍下嘅文件內容，從種種跡象指出，事主應該知道自己簽嘅是送契，但亦有唔尋常嘅地方，推斷事主同陳太之間可能有協議，例如是陳太答應讓事主住到終老，而且期間會照顧事主的生活等，但陳太現時卻乜都冇做。 事後事主因健康轉差而入院，喺醫院中終於透露自己喺律師樓簽約時，冇人同佢清楚解釋簽約嘅內容，並決定要追討回單位，唔會將單位交俾陳太。 陸大狀建議，可以從陳太違背諾言著手，讓事主或其代言人前往法院控告陳太。從發現單位轉手開始，姨甥孫經過整整三個月奔波，總算睇到一點曙光！ #東張西望 #TVB #物業 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm