QUBADA NOVRUZ YARMARKASI TƏŞKİL OLUNUB

Novruz bayramı ərəfəsində Qubada kənd təsərrüfatı mallarının satış yarmarkası təşkil olunub. Qubada rayon mədəniyyət evinin qarşısındakı meydanda Quba rayon İcra Hakimiyyəti tərəfindən təşkil olunan bayram yarmarkasında kənd təsərrüfatı məhsulları bazar və marketlərdəki satış qiymətlərindən ucuz təklif olunub.Məqsəd Novruz bayramı ilə əlaqədar Quba rayon əhalisinin kənd təsərrüfatı və ərzaq məhsulları ilə təminatının yaxşılaşdırılması, bazarlarda qiymətlərin süni surətdə artırılmasının qarşısının alınması olub. Bayram yarmarkasında Qubanın ucqar dağ kəndlərindən fermerlərin və rayonda fəaliyyət göstərən özəl istehsal müəssisələrinin satışa çıxardığı müxtəlif çeşidli məhsullara təlabat daha böyük olub. Yarmarkada satışa çıxarılan məhsulların keyfiyyətinə və qiymətinə, sanitar-gigiyenik qaydalara riayət olunmasına müvafiq qurumlar tərəfindən ciddi nəzarət olunub. ☎ +994 23 33 55 64 📱 +994 55 237 86 01 📍 Quba / H.Əliyev pr.219 🌐 www.qafqaztv.az https://www.qafqaztv.az   / qafqaztv.az     / qafqaztv.az     / qafqaztvaz