حرقة الوجد || فيصل المداريه 2018

. ( حرقة الوجد ) كلمات : مدغم ابو شيبه اداء : فيصل المداريه تصميم : رائد النتيفي هندسه صوتيه : عبدالرحمن الشهري الكلمات ياوجود اللي عيونه شقاويه ................ مرها حلو المنام وتعداها كـن بين جفـونها جمـرة ٍ حيه ................ مايطفيها سهرها ولا ماها بيّـتـه ليل الشتا فابو حدريه ................ واتحداه وحد نفسه على اقصاها مشكله بعض الصدور الجنوبيه ................. لوتجيها دمعة الطير تملاها العوامل والظروف الطبيعيه ................. غيرت مجرا زمنها وجراها ياوجودي اللي عشق له ( ...!! ) ................. في صلات الرحم ماهوب وياها من تحبه لو تحبّه على النيّــه .................برّكت بأقصى ضلوعه مطاياها ذوقتني هجرها ثاني ضحيّــه .................. واصطلت روحي على حر فرقاها طيرت من غصن الاشواق قمريه ................... ورهنتني في هواها ولاماها حايلٍ من دونها حول وشوّيه ................... مير مالله حايٍل دون ذكرها كل حاجه باقيه مثل ماهيّــه .................... ماسرا معها على درب مسراها كود عضوٍ ( في جهتي الشماليّه ) .................... فاع من عوج الحنايا وخاواها ودمعةٍ نطـــحتها راحة ايديّــه .................... ( أففففف ) ياماحرّها و ( أحححح) مقساها حوّلتها يوم قالت وداعيّــه .................. واستباحت سترها فوق ماطاها حيلتي لآهبت النود عصريه ................... قمت مع كل الجهات اتحراها وأمست الفرحه يتيمه ومنسيّـه ................... في عيوني حرقة الوجد تصلاها عن خدينات الترف نفسي امعيّـه ................... لو تجيني مثلها كنها أياها ..!!!! من غدت منه ( الذلول العمانيه ) ................... ماتعوضه ( ناقة الله وسقياها ) دكت ضيوف المعازيب رجليّـه ................... مابقى الآ ضيفةٍ فوق مركاها سيرة ٍ من وحي عامين هجريه .................. ودّي أنساها ولا ودّي أنساها المعالم والرسوم الطلاليّــه ................... مايحفظ أمجادها الا بقاياها ذكرياتٍ تعبر العمر طرقيّـه .................... وذكرياتٍ في وطنها ومرباها وصورة ٍ في متحف البال مطويـه .................... كل يوم أفلها وأتهجــاها من لها قدر أولويّه واهميّـه ................... ماشعرت بغربة الروح لولاها والذي نفسي بيده انها ليّـــه .................. أقرب من كفوفها عندحناياها لو جفتني والعيون الشقاويّــه ................... مرّها حلو المنام وتعداها *العمل حصري والحقوق محفوظه لقناة المنشد ( فيصل المداريه ) اشترك في قناة المنشد فيصل المداريه الرسمية ـــــــــــــ Snapchat :   / faisal-almdaryh   Twitter :   / al_mdaryh   Instagram :   / al_mdaryh   ___