Wie sal - Cecilia Tolken

Hierdie video is ‘n demo wat ek ingestuur het om deel te neem aan die ATKV kompetisie verlede jaar. Ek stuur dit net so vir julle met ‘n gedeelte van my onderhoud daarby. Ek het die liedjie gedurende die Covid-tydperk gekomponeer as ‘n gebedsversoek aan my medemens en aan God. Aangesien dit my enigste Afrikaanse geestelike liedjie is, dra ek dit spesiaal op aan my boeties en sussies in Suid-Afrika en veral vir hulle wat die moeilike keuse moes maak om familie, volk en Vaderland te verlaat. (Spesiale boodskap aan julle in my onderhoud.) Emile Swiegers, jy is nie net 'n uitstekende musikant nie, maar het ‘n hart van goud! Baie baie dankie dat jy jou tyd, ateljee en briljante vaardighede met my gedeel het - ek het dit so geniet en is jou ewig dankbaar. Mag hierdie lied jou weer herinner aan die Almag van God in ‘n tyd van verdrukking en jou inspireer om jou hele hart weer tot volle oorgawe te bring. Dis daar waar die God van die Mossie jou weer sal lei na die Land van Melk en Heuning.