Әкем Тұрсынзада Есімжановтың шығармашылық кеші.

Әкем Тұрсынзада Есімжановтың шығармашылық кеші. Асқар тау әкемнің жарық дүниеден озғанына бір жыл өтті. Соңынан бір жылға жетпей артынан іздеп анам да кетті. Әкемнің де анамның да жамбасы қасиетті жұма күні жерге тиді. Үлкендерден еститінмін жұма күні бақилық болу нығмет-деп. Ардақты әкем, асыл анашым, қиямет күніне дейін қабірдің рахатын көріңіздер. Жандарыңыз қол ұстасып жанатта бірге шалқысын. Жаратқанның жеткізген нығметі екі дүниеде жалғаса берсін. Әулетіміздің архивінде сақталған біраз видоларды көріп отырып, жанарыма жас келіп, "Әке сіз өлген жоқсыз!, сіз тірісіз!" -дедім. Қадірменді оқырмандарым, сөздермен де әкемнің осы шығармашылық кешімен бөлісуді жөн көрдім. Ақын, драматург, аудармашы, жазушы әкемнің өлмес мұрасы - шығармалары, пьесалары, кітаптары оқырмандарының, ұрпағы біздің жүрегімізде мәңгілік... Жетісу топырағында 1941 жылы 21 қаңтарда дүниеге келген әкемнің қаламгерлік ғұмыры мектепте басталып, алғашқы өлеңдерімен 6 жасында көзге түскен. Сол кезден газет беттерінде жарық көре бастады. Еңбек жолы «Өмір нұры» газетінде редактор болды. Алғашқы өлеңдері мен американдық ақын Эдгар По, Пушкин мен Есениннен, Гейне мен Байроннан, Ғамзатовтан аудармалары баспасөз беттерінде 1957 жылдан жарияланған. Шекспир шығармашылығының шыңы саналатын «Король Лирдің» де тұңғыш аудармашысы. Тұңғыш жыр жинағы «Қабырға тал» (1963), «Соңғы сот», «Зауал», «Жолда қалған жолаушы» пьесалары жарық көрді. 1957 жылы Ақсу аудандық «Ленин жолы», 1958 жылы Талдықорған облыстық «Советтік Жетісу» газеттерінен бастап, 1975–1984 жж. «Жазушы» баспасында қызмет істеді. Жазушылар одағының мүшесі. Қазақстан Республикасы «Экология» қоғамдық академиясының академигі. #ЫрзаТурсынзада #ТурсынзадаЕсимжанов #ПоэтыКазахстана