Ne prag te nisjes se shkolles, MASR: Klasa me 20 nxenes, hiqen testet per disa lende

Rreth 2 javë e gjysmë nga nisja e vitit shkollor specialistët e arsimit vijojnë ende diskutimet për mënyrat sesi do të kthehen nxenësit në bankat e shkollës. Tre skenarët për zhvillimin e mësimit, ai në shkollë, online dhe kombinimi I tyre mbeten në fuqi ndërsa zbatimi I tyre do të varet nga infrastruktura e institucionit arsimor dhe numri i nxnëseve. Brenda një qyteti shkolla të ndryshme mund të mos funksionojnë në të njejtën mënyrë. Në një klasë parashikohet të mos ketë më shumë se 20 nxënës ndërsa ora e mësimit do të varjojë nga 30 në 45 minuta. Kjo do të varet nga sa turne do të ndahen nxënësit e shkollës. Mësimi online nuk do të vlerësohet me notë ndërsa për një pjesë të lëndëve nxënësit nuk do të zhvillojnë provime. Bëhet fjalë për lëndë si “Shoqëria dhe Mjedisi”, “Art”, “Teknologji dhe TIK” apo “Edukim Fizik”. Qëllimi është që fëmijët të mos mbingarkohen me teste. Dy javët e para të shkollës ministria parashikon që të fokusohen në përsëritje pasi për shkak të pandemisë së koronavirusit dhe zhvillmit mesimit ne kushte shtepie nxënsit mund të kenë mungesa në lende te ndryshme. Në varësi të skenarit që do të aplikojnë dyert e shkollave parashikohet të hapen në orën 8 të mëngjesit dhe në disa prej institucioneve arsimore të mbyllen në 8 të mbrëmjes. Megjithkëtë udhëzimi I Ministrisë së Arsimit ende nuk është miratuar ndërsa drafti qe po disktuohet parashikon fleksibilitet dhe mundësi për përshtatje nga drejtuesit e shkollave. Per informacionet me te fundit klikoni: Web: http://abcnews.al/ Facebook:   / abcnews.al   Instagram:   / abcnewsal   Subscribe kanalin tone ne: youtube:   / abcalbanian   #abcnews #abcnewsalbania