割稻仔歌-黃三元

說明：原唱－黃三元　翻唱－孔龍 歌詞中－1.抱著稻穗行到摔桶邊的"抱"字發國語"麼"音, 2.有人咧抾稻勢　抾甲頭犁犁與(有人咧抾稻穗) [前句意:早前水稻收割時常會倒伏,故要抾稻勢 ,便利割取; 後者意:儉拾掉落的稻穗]。原唱黃三元以前句與後句有押韻, 個人以黃三元版本置入影音。 　　　　　歡迎請指正 日仔頭出來時好天氣　看著真歡喜 田園的稻穗啊　規片真飽滇 逐家相招落去田底　快樂欲來割稻穗 抱著稻穗行到摔桶邊　一懸一低摔著稻穗 摔碰摔碰摔摔碰碰　彼個聲音 伴阮唱著快樂的歌詩 頂坵割了是割下坵　稻草滿田園 有人咧抾稻勢　抾甲頭犁犁 大家打拚滿身流汗　點點滴甲滿田岸 六月天氣當熱的時機　一高一低摔著稻穗 摔碰摔碰摔摔碰碰　彼個聲音 伴阮唱著快樂的歌詩 看娘擔來點心頓　擔到田岸邊 叫著阮暫歇睏　食著點心頓 大家食甲喙仔開開　看著實在真趣味 食飽點心又閣割稻穗　一高一低摔著稻穗 摔碰摔碰摔摔碰碰　彼個聲音 伴阮唱著快樂的歌詩 一桶割了是又一桶　今年好年冬 稻仔割了跤手酸　日頭漸黃昏 大家轉去洗好身軀　相招來去食好頓 若是天光猶原踮田園　一高一低摔著稻穗 摔碰摔碰摔摔碰碰　彼個聲音 伴阮唱著快樂的歌詩