Мемлекеттен арендаға алған тұрғын үйді ипотекаға рәсімдеу мүмкін бе?

Үкіметтің жастар арзан арендалық тұрғын үйде тұрып, бастапқы жарнаға ақша жинап үйлі болсын деген жоспарының орындалмайтын түрі бар. Мәселен, екі жыл бұрын Алматыдағы Ақкент ықшам ауданындағы мына көпқабатты үйге көшкен жастар арендаға берілген баспананы мемлекеттің әрі қарай ипотека арқылы рәсімдеп беруін сұрайды. Өйткені, пәтер кілті табысталған күні-ақ, олардың бәрі үй кезегінен шығарылған, ал бастапқы жарнаны жинау мүмкін болмай барады дейді. Ешқайда көшпейміз деген төрт жүз отбасының мәселесіне Әйгерім Ердәулетқызы үңіліп көрді. Баспана бас қайғымызға айналды деген Алматы жастары Президентке өтініштерін осылай өлеңмен жеткізді. Осымен екінші рет мемлекет басшысына хат жолдап отырмыз деген олар, өздеріне берілген арендалық тұрғын үйді әрі қарай ипотека арқылы рәсімдеп беруді сұрайды. Өйткені, айына 10-15 мың теңгеге пәтер жалдап тұрғанымыз үшін автоматты түрде үй кезегінен шығарылдық дейді. Ешқайсымыз тегін алайық деп отырған жоқпыз, мемлекеттік тиімді бағдарламамен қарастырып, соны 10, 20 жылға болсын бөліп берсе біз соны төлейміз. Жасы 29-дан аспаған, айлығы 110 мың теңгеден кем болмауы керек деген шарттан өтіп арендалық тұрғын үйге іліккен жастар, бастапқы жарнаны жинаудың өзі мұңға айналды дейді. Ал бес жылға берілген баспананы босатқан күні-ақ түгел пәтер жағалап кетеміз деп отыр. АҚБОТА ЕЛЕМЕСОВА: – Осы бес жыл біткеннен кейін арендное жильеда әрі қарай баяғыдай жалдамалы үйге барамыз. Бәрібір 80-90-100 мың, қазір үйдің бағасы өсіп кетті ғой, 100-150 мың теңге төлейміз. Мен сол төлейтін ақшамызды осы үйімізді әрі қарай сатып алу ипотекаға ай сайын төлеп отқанымызды қалаймын. Ал Алматы әкімдігі мұнай арендалық үйді 2450 азаматтың алғанын растады. Бұдан бөлек Нұр-Сұлтан мен Шымкентте де 3 мыңға жуық жасқа арзан арендалық пәтер берілген. Бұл мәселеге жауапты министрлік, бағдарламаға өзгерістер бір айдың ішінде енгізілетін болса, алдын ала хабарлаймыз дейді. АСХАТ ЕРҒАБЫЛОВ, ҚР Ақпарат және қоғамдық даму министрлігінің басқарма басшысы: – Жастардың сатып алу құқығымен деген сұраныстарына министрлік қазіргі таңда басқа да мемлекеттік органдармен пысықтау жұмыстарын жүргізуде. Ол мәселені біз жан-жақты талқылап, бір ай көлемінде тиісті нақты жауабын береміз. Жастар, үйдің құнын арендаға алған кездегі бағамен есептеп берсін деген де уәж айтты. Сондықтан, олар министрлік қандай бағдарлама қабылдаса да, алдымен тұрмысы төмен отбасылардың жағдайын көзбен көріп, олармен кеңессін дейді. Әйгерім Ердәулет, Думан Сүйлоейменов Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31