ජේසු තුමන්ගේ ශුද්ධවූ රුධිරය සඳහා යාච්ඤාව - Miraculous Prayer to Most Precious Blood Of Jesus

සුවයක් බලාපොරොත්තු වෙන ලෙඩරෝග හමුවේ ජේසු තුමන්ව අත් දකින්න. විශ්වාසයෙන් ඔබගේ සුවය පතන ඉන්ද්‍රියන් ජේසුස් වහන්සේගේ ශ්‍රී රුධිරයට බාර දෙන්න.. ජේසු සමිඳුනී, මාගේ පාපි බව හේතුවෙන් ඔබවහන්සේගේ ශ්‍රී හෘදයට සහ දේහයට පීඩා සිදුවූ බව සංවේදීව පිලිගනිමි. එසේ වුවද ඔබවහන්සේ පෙරලා මා හට ඊට දඬුවම් හෝ විපාක හෝ නොදුන් සේක.. ඒ සෑම සියළු පාපි ක්‍රියාවක්ම නොදැන කල වැරදි ලෙස සලකා මා හට සමාව දී ඔබ වහන්සේගේ තුරුලට මා සෙනෙහසින් වැළඳගත් සේක. ඔබවහන්සේගේ ශ්‍රී දේහයට සිදුවූ පීඩා අතුරෙන් හේවායකුගේ හෙල්ල පහරින් සිදුරුවූ ශ්‍රී හෘදයේ තුවාලය වෙනුවෙන් මම දැඩි ලෙස කම්පා වී තැවෙමි. තවද රුදුරු කුරුසියේ බරින් මස් පෑරුණු සහ කටු පෑදුනු දකුනු උරහිසෙහි වූ කුරිරු තුවාලය වෙනුවෙන්ද පසුතැවෙමි. මෙම තුවාලයන් හේතුවෙන් ගලා යන ශ්‍රී රුධිරයට ඔබවහන්සේගේ දයා ප්‍රේමය මුසුවේවායි පතමි.. ඔබවහන්සේගේ ශ්‍රී රුධිරය මාගේ සිරුරේ සෑම ශෛලයක්ම ස්පර්ශ කර ගලා යන බව විශ්වාසයෙන් යුතුව අපේක්ශා කරමි. තවද එම රුධිරය විශේෂ කොට... [ ඔබගේ සුවය පතන ඉන්ද්‍රියන් ජේසුස් වහන්සේගේ ශ්‍රී රුධීරයට බාර දෙන්න...] වෙතට ගලා ගොස් තැන්පත් වීම හරහා මා ප්‍රාතිහාර්යාත්මකව සුවපත් වන බවද එම සුවය කඩිනමින් සිදුවන බවද අදහමි. ජේසු සමිඳුනී ඔබවහන්සේ දේව පුත්‍රයාණෝය. මම දේව දරුවෙක් වෙමි. මනුෂ්‍ය පුත්‍රයා හා මා අතර ඇති එම ඍජු සහ ප්‍රබල රුධිර සම්බන්ධතාවය කෙරෙහි මම විශ්වාස කරමි. ඒ හේතුවෙන් ඔබවහන්සේගේ ශ්‍රී රුධීරයෙන් මා දෝවනය කොට පවිත්‍ර කල මැනව.. මාගේ අතීත පාපයන්ගෙන් මා සෝදා හැර මා නිදොස් කොට ශාරීරිකවද මානසිකවද අධ්‍යාත්මිකවද මා බලවත් කල මැනව.. ඔබවහන්සේගේ ශ්‍රී රුධිරය මා තුලට එන්නත්කොට නව මැවිල්ලක් බවට මා පත් කල මැනව. ඔබවහන්සේ මාගේ අවශ්‍යතාවයන් දන්නා සේක.මනුෂ්‍ය උත්සහයන් සහ හැකියාවන් තුලින් ඉටු කරගත නොහැකි මාගේ උවමනාවන් අසීමිතය.ඔබවහන්සේගේ බලවත් එක් වදනකින් ඒ සියල්ල මා හට පහසුවෙන් ඉටුවෙන බව මම විශ්වාස කරමි. මාගේ ජීවිතය සහ අනාගතය බාර ගත මැනව.සියල්ල සිදුවනුයේ මාගේ යහපත උදෙසා බව අදහමි ඔබවහන්සේගේ කැමැත්ත දැනටත් මතුවටත් සදහටමත් සිදුවේවායි පතමි. ජීවිතයේ මා ලද සියලුම වරප්‍රසාදයන් සහ ආශිර්වාදයන් උදෙසා ඔබවහන්සේට තුති පුදමි. ජේසු සමිඳුනී ඔබවහන්සේට හිමි මහිමය හා ප්‍රශංසාව දැනටත් මතුවටත් සදහටමත් අත් වේවා. ආමේන්.. #sinhalaprayer #prayers #jesuspreciousbloodprayer #preciousbloodofjesus #preciousblood #miracleprayer #miraculousprayer #miracleprayersinhala #yachna #jesusprayer #ජේසුතුමන්ගේශ්‍රීරුධිරයේයාච්ඤාව # ජේසුතුමන්ගේ ශ්‍රී රුධිරයේ යාච්ඤාව #miraculousprayertomostpreciousbloodofjesus