'STORY-TELLING' NI DEFENSOR, INALMAHAN NG DEPENSA

Pumalag ang defense counsel ni Vice President Sara Duterte na si Atty. Carlo Narvasa sa umpisa pa lamang ng opening statement ng House prosecution panel sa ikaapat na article of impeachment. Kinuwestiyon ni Narvasa ang naging paglalahad ni House Prosecutor Rep. Lorenz Defensor tungkol sa trahedya sa Tacloban City, iginiit na ang naturang pahayag ay maituturing na "story-telling" o "narration" at hindi nararapat sa isang paglilitis. Sa kabila ng pagtutol ng depensa, pinayagan ni Presiding Officer Sen. Francis "Chiz" Escudero na ipagpatuloy ni Defensor ang kanyang opening statement.