رمزي محمد - لا جيت بازوركم يا أهل الطويلة

أهل الطويلة كلمات والحان الحبيب حسين المحضار رحمة الله عليه غناء الفنان رمزي محمد ياأهل الطويلة علينا يدكم طائلة وسلابكم فاتكة وسهامكم قاتلة حتى الظباء عندكم تمشي وهي جافلة والريم ماينقنص ويكابرين الوعول لا جيت بازوركم يا أهل الطويلة عسى شي عندكم لي قبول ********* مايدرك الصيد إلا كل من سار له من سار وصطاد شي في الشعب يستاهله ماشي يجي بالكلام الكذب والقزوله لي مامعه مقدرة يسكت يخلي الفضول لا جيت بازوركم يا أهل الطويلة عسى شي عندكم لي قبول ********* مازال قلبي بكم عاده قوي الصله وحبال ودي لكم في الحب متواصله مازلت كل من طلع من عندكم أسئله عنكم وعن حالكم وأصغى لكل مايقول لا جيت بازوركم يا أهل الطويلة عسى شي عندكم لي قبول ********* مريت بالساقيه ولحقتها باقله مرعى يهيض وتربة للعمل قابلة أما البساتين كل بستان فوقه هله دايم من البير يسقونه وماء السيول لا جيت بازوركم يا أهل الطويلة عسى شي عندكم لي قبول ********* وعاد كم من نويفه زاحيه كامله وخيالها عالسعف من كبرهن عاطله تظلني من شموس الهجر والقايله وأثمارها تشفي العله وتطفي الكلول لا جيت بازوركم يا أهل الطويلة عسى شي عندكم لي قبول ********* :: معاني بعض المفردات :: الطويلة : مدينة سيون بحضرموت جافلة : مذعورة وخائفه الشعب : الجبل القزولة : الكلام الغير منطقي الساقية : مجرى فرعي وصغير لتصريف مياة السيول باقلة : أي مزروعه نويفه : نخله زاحية : ناضجه السعف : أغصان النخل القايلة : شدة حرارة الشمس وقت الظهر الكلول : شدة حرارة الجسم ________________________________ #إشترك_في_القناة_وفعل_الجرس_للمزيد الفن الحضرمي الشحر فن وأصالة - ٧٣٨٠١٠٠٨٢