Асты мұнай мен газға толы жеріміз инвесторларға жалға берілмек

Бізде ауылшаруашылық мақсатындағы жерлер шетелдіктерге мүлдем берілмегенімен, қазба байлықтарымызды игеремін деген инвесторларға ешқандай шектеу жоқ. Жеріміздің астындағы мұнай мен газды пайдаланамын деген кез-келген компания аукцион арқылы қалаған жер телімін жалға ала беруіне болады. 23 сәуірдегі аукционда бастапқыда 713 миллион теңгеге бағаланған сегіз мұнай-газ учаскесі 13 есе қымбат бағаға, яғни: 9,3 миллиард теңгеге сатылған. Осылайша екі мың шаршы шақырымнан асатын, асты мұнай мен газға толы жеріміз инвесторларға жалға беріледі. Бірақ, "ол жер телімі ешкімнің жеке меншігіне сатылмайды" дейді мамандар. Жобалық құжаттары мақұлданып, жергілікті халықтың келісімін алған соң, инвесторлар жерді игеруді бастайды. ЖАНАТ ЖАХМЕТОВА, ҚР Энергетика вице-министрі: – Аукцион арқылы жерге меншік құқығы емес, жер қойнауын пайдалану құқығы берілетінін атап өту маңызды. Бұл құқық «Жер қойнауы және жер қойнауын пайдалану» Кодексінде реттелді. Учаскелердегі кез келген технологиялық процестер Энергетика министрлігі жанындағы Барлау және игеру жөніндегі орталық комиссияда жан-жақты қаралып, пысықталады. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #жер_дауы #инвестор #жалға_беру