Գայանե Ավդալյան - Նազեի օրոր/ Nazei oror

Երաժշտություն` Քաղաքային ֆոլկ Խոսքեր` Ավետիս Ահարոնյան («Արցունքի հովիտ» դրամա) Կիթառ` Գևորգ Ղազարյան Կոնտրաբաս` Գևորգ Սմորոդինով D.O.P - Ռոբերտ Քոլոյան Mix & Mastering - ArrStudio 1927-1929 թվականների՝ Քրիստափոր Քուշնարյանի ֆոնդի ամենավաղ ձայնագրություններում պահպանված է Ավետիս Ահարոնյանի «Արցունքի հովիտ» արձակ դրամայի միակ չափածո հատվածը` Նազե անունով այրի կնոջ օրորոցայինը: Ավելի ուշ` 20-րդ դարում այս երգի` Հայրիկ Մուրադյանի կատարումը սիրվում ու տարածվում է ժողովրդի շրջանում: Ստեղծագործությունը վերագրվում է Վասպուրականի շրջանին, իսկ երգի` ժամանակագրորեն ավելի հին ու նախնական տարբերակը` Սուրմալուի շրջանին: Ըստ իտալական աղբյուրների` 1894-96 թվականներին հայերի նկատմամբ իրականացված հալածանքն ու կոտորածն են երգի հիմքում, և հենց այդ ընթացքում էլ Ահարոնյանը, ով Սուրմալուի շրջանից է սերել, երգը լսել է ջարդերից` երեխան գրկին մազապուրծ եղած մի կնոջից` Նազե անունով: Ստացվում է` հենց այս նախնական տարբերակն էլ հիմք է ծառայել «Արցունքի հովիտ» արձակի չափածո հատվածի և հետագայում մեղեդու վերակերտումներով տարածվել և սիրվել է Վասպուրականում: