KABATULLAH KE DAMAN ME KI GAYI ILTIJA ¦¦MUHAMMED SAMAAN KHALIFA NADWI¦¦ ZUFAIF ¦¦#KEHKASHAAN

کعبة اللہ کے دامن میں کی گئی التجا ایک ٹوٹے دل کی صدا کلام: مولانا سمعان خلیفہ ندوی بھٹکلی آواز:زفیف شینگیری پیشکش کہکشاں زیرسرپرستی: ادارہ ادب اطفال بھٹکل 💐التجا💐 (حرم شریف کی حاضری کے موقع پر) محمد سمعانؔ خلیفہ ندوی بھٹکلی کلیوں پہ بہاریں ہیں غنچے بھی ہیں جوبن پر سر مست ہوائیں بھی نازاں گُلِ گلشن پر شبنم کی پُھواریں میں بھیگی ہوئی راتیں ہیں اور قلبِ پریشاں کی بہکی ہوئی باتیں ہیں چوکھٹ پہ مچلنے کو بے تاب سوالی ہے اشکوں کی ہیں برساتیں فریاد بلالی ہے لایا ہوں ترے در پر میں اپنی زبوں حالی دل میرا ہے افسردہ کشکول بھی ہے خالی اس امتِ مرسل کی کشتی تو بھنور میں ہے ہر سمت سے نرغے میں، محصور خطر میں ہے عصیاں کی بھری دلدل، ایماں کا بھی سودا ہے صرصر کی ہواؤں میں ایقان کا پودا ہے آیا ہوں ترے در پر محرومِ نوا بن کر ٹوٹے ہوئے دل کی اک مغموم ادا بن کر رقصاں ہیں مرے آنسو سانسوں میں ہے بے تابی تیری ہی نوازش ہے یہ راہ بھی دکھلا دی نے تابِ سخن حاصل، نے لفظ کی گہرائی لاؤں میں کہاں سے پھر گفتار وہ سِینائی ہوں میں تو گیا گزرا، کردار سے بھی عاری باطن کی ترقی کے معیار سے بھی عاری شیطان کے ہاتھوں سے پٹ پٹ کے مرے مولی اور نفس کے حملوں سے مٹ مٹ کے مرے مولی بے مایہ سہی لیکن محبوب کی نسبت ہے اور ان کی غلامی کی حاصل مجھے خلعت ہے جز تیری گدائی کے کچھ بھی تو نہیں حاصل تج دوں یہ متاعِ جاں اس کے بھی نہیں قابل اے عشق دکھا مجھ کو انوارِ شناسائی اس دہر کی ظلمت میں ہوں لالۂِ صحرائی طاعت میں بھی لذت ہو، غم میں بھی مزا آئے جب دل میں مرے یادِ محبوبِ خدا آئے توفیقِ وفا کیشی ارزاں ہو مرے آقا ہر پل کی غلامی کا پیماں ہو مرے آقا لبریزِ ندامت ہو جب تک نہ یہ پیمانہ “یوں ہاتھ نہیں آتا وہ گوہرِ یک دانہ” اے میرے کریم آقا دل نور سے تو بھردے ظلمت کا بسیرا ہے اس شب کو سحر کردے مضرابِ ازل سے تو اس ساز کو تڑپا دے خمخانۂِ جنت کے جام ومئے و مینا دے بے تاب سی آنکھوں میں ہو جلوۂِ مستانہ لہرائیں فضاؤں میں پھر گیسوئے جانانہ اے میرے خدا تو ہی اس دل پہ اثر کردے سمعاںؔ کی خطاؤں پر رحمت کی نظر کردے #Kehkashaan #Kehkashan #Kahkashan #Kehkashaan_bhatkal #Kehkashan_bhatkal #Kahkashan_bhatkal #Kahkashaan #Kahkashaan_bhatkal #zufaif #Zufaif_shingeri #Zufaif_shingeri_naat #kehkashaan #kehkashan