កិច្ចសម្ភាសន៍កូនប្រុសម្ចាស់ហាងថតប៉ូច តឹក ដ៏ល្បីល្បាញសម័យសង្គមរាស្រ្តនិយម

នៅចុងទសវត្ស៥០មក នារាជធានីភ្នំពេញដ៏ស្រស់ឆើតឆាយនៅអាស៊ីមានហាងថតរូបដ៏ល្បីល្បាញមួយមានឈ្មោះថា ប៉ូច តឹក ថតរូប។​ ហាងនេះមានទីតាំងនៅខាងមុខសួនច្បារវត្តបទុមវតី (កាហ្វេ Conner សព្វថ្ងៃ) ។ ប៉ូច តឹក ថតរូប ជាហាងរបស់លោក ប៉ូច តឹក មន្រ្តីមួយរូបធ្វើការនៅក្នុងព្រះបរមរាជវាំងផ្នែកថតរូប និងជាជំនួយការផ្ទាល់នៃព្រះនរោត្តមសីហនុ ព្រះប្រមុខរដ្ឋ។ នៅក្នុងសម័យសាធារណរដ្ឋខ្មែរ លោក ប៉ូច តឹក បានបង្កើតសមាគមមួយឈ្មោះថា សមាគមអ្នកថតរូប។ មហាជនខ្មែរជាច្រើនមុខជាធ្លាប់ស្គាល់ហាងថតរូបនេះជាក់ជាមិនខាន ហើយក៏ធ្លាប់បានទៅថតរូបនៅទីនោះផងដែរ។ កន្លងទៅថ្មីៗនេះ លោក វីរៈ វ៉ារ៉ានី បានជួបសម្ភាសន៍ជាផ្លូវការជាមួយលោក ប៉ូច កៅ ដែលជាកូនប្រុសបង្កើតរបស់លោកប៉ូច តឹក ដើម្បីរម្លឹកអនុស្សាវរីយ៍នៃការកសាងកេរ្តិ៍ឈ្មោះរបស់លោក ប៉ូច តឹក ក៏ដូចជាវាសនារបស់ក្រុមគ្រួសារលោកនៅក្នុងរបបវាលពិឃាត។ ជាមហាសំណាង លោក ប៉ូច តឹក និងភរិយា ព្រមទាំងកូនៗមួយចំនួនបានភៀសខ្លួនចេញពីរបបវាលពិឃាត ក្រោយពេលដែលខ្មែរក្រហមឡើងកាន់អំណាច។